576
29
29
3-min walk from Exit A, Jordan MTR Station continue reading
Telephone
28865528
Additional Information
每張檯有免費充電器
Opening Hours
Today
17:00 - 00:00
Mon - Sun
17:00 - 00:00
Payment Methods
Visa Master AlipayHK Alipay Cash AE UnionPay
Number of Seats
140
Other Info
Wi-Fi
Alcoholic Drinks
Eco-Friendly
Parking
Phone Reservation
10% Service Charge
Spot payment
Review (670)
雖然成日周圍去食嘢,但係值得重複去食嘅餐廳唔係話好多。日式燒肉店我鍾意呢間,因為性價比好高,仲要係放題,唔使就住個荷包食,食得暢快!Order紙分門別類,食物種類好多可以慢慢揀。 出面嘅飲品有茶、紙包裝、罐裝飲品、麵豉湯、唔同種類嘅酒都有。喺出邊攞完飲品,返到嚟枱面就已經有三大個頭盤。第一個就係龍蝦,每人有半隻㗎,仲有唔少膏啖啖肉。另一個就係刺身拼盤,有六種唔同嘅刺身,最好食就係海膽,用紫菜包住嚟食會更好食。仲有一碟係肉類嘅拼盤,每款肉都標註咗名稱,樣樣都少量俾你試吓味道,邊樣好食嘅可以無限再encore。肉類無乜預先調味,調味料或醬料可以自由配搭。而我最鍾意嘅就係燒菠蘿,睇佢咁深色你就知道佢好熟,特別香甜,而且仲好開胃添。另外我推介嘅係海老,大大隻,而且質素好高,必食!今次我哋食咗兩個半鐘(5:00-7:30pm),時間非常充足。  79折每人先三百六十幾蚊。仲可以傾吓計,慢慢出去食啲甜品仔同埋雪糕。 今次MOVENPICK有楓糖合桃味,味道幾特別架。 continue reading
(The above review is the personal opinion of a user which does not represent OpenRice's point of view.)
Level4 2020-08-07
8362 views
⚠️懷疑藍店會唔會幫襯大家自行抉擇⚠️⚠️因有手足留言表示餐廳近期曾出現在東張西望,未知是否藍店亦有待FC,我上網搵過暫時都未有答案,大家請自抉擇會唔會幫襯,如果FC到係真藍店我將會del post🙇🏻‍♀️⚠️想推薦好耐嘅高質燒肉店❤️好耐之前食過一次嗰陣已經覺得好正到而家開左個page就當然要介紹比大家😉好啱酒鬼/三五知己係到聚下❤️🍴2.5小時燒肉放題(原價$408;優惠價:$322 另收加一)我地今次係揀5:30pm早段時間去食就會比較平啲❤️餐廳仲做梗優惠like facebook就有79折優惠👍🏻入座後店員就會即刻會上刺身拼盤、燒肉拼盤同每人半邊龍蝦(冇得任食🥺)🦞刺身都幾厚幾新鮮仲有海膽👍🏻燒肉方面比嘅份量都幾多~我個人幾推薦兩款澳洲和牛❤️肉味濃得黎油脂分佈都幾靚❤️龍蝦係冇得任食嘅~質素屬於中等水平如果鮮味再濃啲就好😉天婦羅嘅質素唔錯炸粉唔會太厚炸到啱啱好👍🏻串燒方面選擇都幾多我地只係剔左一部分黎試吓🤣個人幾推薦雞皮自己慢慢燒到脆卜卜🤤甜品方面都有幾款但我影完想食嘅時侯已經冇曬~🥺好彩仲有Movenpick同Dryers雪糕補翻數😊🍶開頭講過適合酒鬼/三五知己過黎吹下水食下飯係因為餐廳除左有一般嘅飲品汽水任飲之外仲有一個酒嘅corner🤩紅酒、白酒、清酒、梅酒同柚子酒任君選擇🥰我個人覺得柚子酒幾特別👍🏻📍 響 - Hibiki 日本燒肉 (佐敦)佐敦白加士街101號珀軒1樓 continue reading
(The above review is the personal opinion of a user which does not represent OpenRice's point of view.)
Level4 2020-07-24
8390 views
已是晚市禁止堂食之前的事了,那時候,新冠肺炎疫情似乎開始受控,限聚令放寬了,可以最多八人一起用餐,我與多位沒有見面多時的舊同學,便在一個晚上來到這間人氣不錯,環境甚有日本風的日本燒肉放題店聚聚舊,共「響」一晚久別重逢的美好時光。這兒的晚市刺身及燒烤放題,兩位送新鮮「熟食波士頓龍蝦」,四位或以上再送「喜知次」一條,這晚我們一行六人,正好把兩款優惠同時享用。開邊波士頓龍蝦膏多味甜,喜知次經烤炙後,油香撲鼻,味道也好。大堆頭的多款刺身有不可添吃的「原板海膽」和可無限量添吃的「帆立貝」、「油甘魚」、「八爪魚」、「甜蝦」、「三文魚」,海膽味道比想像中甜,其他各款刺身也新鮮可喜。這兒的燒肉也是店子的賣點之一,「澳洲和牛西冷」和「澳洲和牛胸腹」是我的心水選擇,肉質好,肉味也濃。他如「美國牛肋骨」、「米澤三元豚西冷」和「米澤三元豚腩片」相對地沒有那麼回本,燒得香噴噴,熱騰騰的牛肋骨與三元豚,仍然吸引好吃。至於其他食物方面,選擇不算超級多,可也不少,雖然放題時間都有兩小時三十分,但歡樂的時光總是過得特別快,大夥兒邊點邊吃,笑笑談談,轉眼便已要交檯給下一輪的顧客,實在有點不捨。在今日疫情不但並未受控,而且愈益嚴重的香港,現在就連與親朋好友一起吃晚餐的機會也沒有,這次聚會頓時成為一段令人懷念的美好時光。 continue reading
(The above review is the personal opinion of a user which does not represent OpenRice's point of view.)
Level4 2020-07-20
4559 views
終於試左想試好耐既響 - Hibiki 日本燒肉!預早左成個月BOOK位,準時到好快就獲安排入座。高級日式放題可以任食日本直送朝捕晚獲魚生、刺身、燒肉、雪糕、任飲紅白酒等等。入座後不久就獲奉上刺身拼盤、燒肉拼盤及波士頓龍蝦,可以慢慢食住劃點餐紙。刺身拼盤有齊海膽、三文魚、油甘魚、八爪魚、帆立貝、甜蝦,件件新鮮肥美。推薦海膽細膩入口即溶,三文魚甘香爽滑、油甘魚油滑肥而不膩、八爪魚嫩中帶脆、帆立貝厚實鮮甜。燒肉拼盤貼心地附上七款標籤,各款肉類質素佳。澳洲和牛肉眼口感軟腍、澳洲和牛西冷味道帶油香、澳洲和牛胸腹口感Q彈有嚼頭、米澤三元豚西冷肉味香濃、米澤三元豚腩片肉汁香甜四溢、美國牛肋骨油花量適中、骨付雞肉腸香口多汁、手羽嫩滑。波士頓龍蝦味道濃郁,肉質鮮甜富彈性,口感紮實爽彈,仲有滿滿蝦膏,正!炸物方面天婦羅大蝦炸至外酥脆內彈牙。芝士年糕鬆脆煙韌芝士味濃郁,榴槤炸彈外脆內軟香脆又可口。和牛田園沙律和牛軟嫩有嚼勁,沙津菜新鮮又爽脆!味付螺肉口感爽滑,配特製味付醬汁超惹味。中華沙律清爽有咬口,口感豐富。鹽味枝豆香甜鮮脆,含豐富蛋白質,健康又好味。椒鹽燒揀左多款串燒,推薦爽口雞腎串同充滿嚼勁既雞軟骨串。同場仲有多款精選雪糕同甜品,雪糕有Dreyer's、Movenpick、Fruttato Gelato,Dreyer's除雪糕杯仲有甜筒選擇,放題少見既Fruttato Gelato更有榴槤雪糕杯、芒果益力多雪條,有驚喜!!飲品都有超多款式揀,有各式茶飲、汽水、啤酒,仲有清酒、梅酒、柚子酒、紅白酒等等! continue reading
(The above review is the personal opinion of a user which does not represent OpenRice's point of view.)
刺身拼盤,款式好多,包括有海膽、三文魚、油甘魚、八爪魚、帶子、甜蝦,海膽以外,各款刺身均可無限添加;海膽口感滑溜,味道唔腥、清甜,配以青瓜、紫菜食用,味道更佳;三文魚口感厚實、肥美;油甘魚食落油多、甘香;八爪魚口感爽口;帶子口感厚身,味道鮮甜。波士頓龍口感爽彈,肉質飽滿,鮮味十足。燒肉拼盤,包括有澳洲和牛肉眼、澳洲和牛西冷、澳洲和牛胸腹、米澤三元豚西冷、米澤三元豚腩片、美國牛肋骨、骨付雞肉腸、手羽,燒肉拼盤、其他各款肉類均可無限添加;澳洲和牛肉眼霜降肉脂分布恰當,油脂部分入口即化;澳洲和牛西冷肉質軟腍,牛脂味香,肉味帶層次;澳洲和牛胸腹肉味濃郁;米澤三元豚西冷肉質鮮嫩;米澤三元豚腩片肥瘦勻稱,食落好香口;美國牛肋骨牛香味濃,有咬口;骨付雞肉腸外層香脆,雞汁滿腔;手羽肉質滑嫩,好鎖汁。燒肉,包括有一口牛粒等等,口感厚肉,食落好可口。海鮮,包括有海蝦、紐西蘭青口等等,海蝦、紐西蘭青口好新鮮,口感彈牙。椒鹽燒,包括有雞腎串、雞肉串等等,雞腎串、雞肉串好入味,食落非常惹味、鹹香,雞腎串口感脆爽,雞肉串口感軟嫩、多汁。天婦羅及炸物,包括有大蝦天婦羅、松葉蟹柳天婦羅、日式炸餃子、芝士年糕、榴槤炸彈、紫芋圓等等,各款天婦羅及炸物即叫即炸、外皮口感酥脆、不油膩;大蝦天婦羅口感Q彈;松葉蟹柳天婦羅口感滑嫩;日式炸餃子皮薄餡多,餡料滲透住不少肉汁;芝士年糕口感外脆內軟,流心效果突出,味道咸香;榴槤炸彈味道非常濃郁;紫芋圓味道香甜,口感外香脆、內軟糯。8款精選雪糕及甜品,3個品牌包括有MOVENPICK、Dreyer’s、Fruttato Gelato;包括有MOVENPICK瑞士巧克力雪糕、MOVENPICK草莓雪糕、MOVENPICK覆盆子意大利奶凍雪糕、MOVENPICK楓糖合桃雪糕、Dreyer’s日本京都宇治抹茶牛乳扭紋脆筒雪糕、Dreyer’s日式柚子扭紋脆筒雪糕、Fruttato Gelato榴槤雪糕迷你杯、Fruttato Gelato芒果糯米飯雪條。飲品,款式超多,包括有道地極品解茶、康師傅冰糖雪梨、板町菊花茶、OKF SAC’s Grape Drink With Pulp等等。 continue reading
(The above review is the personal opinion of a user which does not represent OpenRice's point of view.)