響 - Hibiki 日本燒肉 (Closed)

牛肉喺我至愛，但香港食牛真喺好貴，朋友就帶我嚟試呢間任食網燒和牛，聽到「任食、和牛」眼睛即時發亮，心情非常期待入座後店員就會先送上刺身拼盤，海鮮拼盤同燒肉拼盤刺身拼盤除了海膽無得追加外，其他刺身包括赤身，甜蝦，八爪魚，三文魚，油甘魚，帶子等都是任食，各款刺身質素都相當有水準，鮮甜肥美兼且厚切，一啲都唔吝嗇，特別喺海膽，大大片豐腴甘香，入口融化，回甘味濃海鮮拼盤除了紅蝦外，其餘鮑魚， 翡翠螺，蠔及喜之次都無得追加，值得一提喺佢提供少見嘅一夜干喜之次，肉質非常鮮甜扎實，只是略加岩鹽和即磨胡椒已經可以帶出魚的鮮味，超正燒肉拼盤每款肉都會附上名牌，豬牛雞共有11款選擇，特別推介喺澳洲和牛胸腹，一口牛粒，牛味濃，油脂分佈均勻，入口脂香四溢，肉質滑嫩鬆化，而米澤三元豚腩西冷就肥瘦均勻，無豬的臊味，肉質鮮嫩，入口即化天婦羅日式放題又點少得天婦羅，炸漿做得薄而酥脆，一點油膩感都無甜品甜品款式選擇唔多，但件件精緻，重點放眼於雪糕上，喺呢款瑞士品牌的雪糕，非一般品牌可媲美飲品飲品方面除了一般汽水啤酒外還提供紅酒，白酒，花茶包，日式酒類，如清酒，梅酒，個人比較喜歡呢款柚子酒，柚子味濃，清新順喉易入口，仲幾醒