OPPA韓國燒肉店 (Closed)

呢間真係值得推薦，全間餐廳都好有特色，食完都一定記得係大埔。而且呢個價錢任食放題都好抵食，睇下自己想唔想食海鮮啦有兩種選擇。飲品有好多種韓國出品既飲品，另外有開水可以自取。首先，職員拎來泡菜、芽菜同海帶。但我地韓燒都未開始就食晒泡菜啦，哈哈。不過唔緊要，係可以無限量問店員補充既，而且份量唔少。嘩！頭盤係成隻牛型碟，好精緻，但就唔知係咪跟返唔同部位放啦？其實有幾個部位我都唔知咩位，睇餐牌只知分別有牛肩肉、 三角腩、下腹腩、牛脷、封門柳、牛柳粒、牛排骨、牛肋肉、牛小排。至於餐牌上有的肉都可以另外點，我地都另外點左五花腩、黑毛豬、同炸醬麵。當然係可以追加頭盤比較鍾意食既封門柳、牛排骨、三角腩... 等等。基本上唔同肉質、味道既肉都係頭盤上齊，真正一次過滿足各人需要，所以值得推薦。炸醬麵另外呢度的生菜都好新鮮脆綠，而我就學足韓國人，用生菜包住肉加唔同醬料食。而我就鍾意放泡菜，連同生菜食，甘可以有效消除油脂感，係唔錯既方法。另外海鮮方面都好足料，有虎蝦、帶子、魷魚(可能係原隻，都好大份，個擺放方法都好有心思！)、多春魚、最後有鮑魚添！其實有好多韓式料理都好好食，好有特色。呢度既特色係有好多肉類選