不過每人食咗8隻大閘蟹仲有靚魚生酒水，值回票價，平時食有榴槤的放題都要3百幾 。職員客氣服務ok，話今日係第一日做大閘蟹 。
燒榴連普通，只食咗一轉，大閘蟹雖然比較細，但係即蒸熱辣辣，全部蟹公膏滑食得出好新鮮。不過要等差不多45分鐘才上一次，但限食兩個鐘，所以未食完就要叫定先 。今次我哋每人食咗八隻蟹，最後嗰次last order 6隻蟹但等成個鐘先至上，好在過了時都冇趕我哋走 。
兩個同行的朋友話之前來過印像唔多好，今次覺得唔同咗，魚生新鮮，嘢食味道都好咗，有進步 。上次來食燒鰻魚好似食舊膠，但今次唔同咗，食得出食材唔敷衍 。
其他嘢都好食，羊架好味，海膽好甜好滑好鮮味，美中不足係無燒乳鴿同埋雪糕只有一杯無雪糕櫃任攞 ，不過巳好滿足 。
平時去專門店食大閘蟹放題都係差唔多價錢，蟹大啲，但冇咁多放題的嘢食，如志在任食大閘蟹，又可以食到平時放題的嘢食，御滿屋都係一個唔錯嘅選擇 。
