Beefar's 鹿兒島燒肉

Open Now

Now Closed

平日我哋慶祝生日飯都係攪新歷，難得今日大人等我收工加上係佢農曆生日一於同佢食餐好嘅慶祝吓，係街度行吓就俾我見到依間有宵夜時段，係食燒和牛再加放題，一於就帶佢上去食(因為我懶得諗，再諗我怕我帶佢去食茶記)。去到見到其他食客除咗食之外都有叫清酒飲，可惜個放題唔包酒精，不過包都未必有得飲啦，第二日仲要返工大人實唔俾我飲所以我都係乖乖揀嘢食，個牛就唔駛揀嘅會自動奉上一份靚牛肉，之後再揀放題上嘅食物同嘢飲...個盤靚和牛有成8樣牛唔同嘅部位，仲會教埋燒嘅先後次序，每個牛有不同口感同油份真係邊食邊學嘢，除和牛外放題包嘅嘢都好有質數，連個飯都好食過人，個個蒜香飯好好食，除有蒜香外仲有碎嘅牛肉，因用石頭鍋上，個底仲會有飯焦個飯真係非食不可。