75
6
2
1-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
25576286
Introduction
來自鹿兒島的日式燒肉店,主打由當地出產及直送的薩摩和牛。全牛拼盤可一次過品嚐A4級以上的黑毛和牛的不同部位,牛魔王必試。 continue reading
Opening Hours
Today
11:30 - 00:00
Mon - Fri
11:30 - 15:00
18:00 - 00:00
Sat - Sun
11:30 - 00:00
Payment Method
Visa Master AE Cash UnionPay
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
VIP Room
Reward Dining Points
10% Service Charge
About Reward Scheme
Review (97)
Level4 2018-12-03
468 views
聽聞鹿兒島的氣候與地理,對培育出優質農產品與水產已有優勢,加上鹿兒島一直以最好的飼料來餵飼和牛,更不斷改良飼養技術,因此鹿兒島和牛才能夠做到肉質細緻嫩滑,油脂分佈均勻的質素。今次食到嘅係牛嘅主要嫩滑部位🤗一共8款,依據日本總廚的烤肉教學,跟住依次序去烤,一般烤幾分鐘即可👍 日本的烤肉食法一般係烤牛舌牛舌厚薄適中,好爽脆,加小小鹽,檸檬汁,醬油,非常之好味。 特上牛肋肉係和牛的高級部位,肉質細膩,加適度嘅霜降,自己喜歡五成熟,可以保持肉汁,唔會破壞距地嘅比較,加小小鹽便可,啖啖嫩滑,入口即溶化,正到呢🤗 特上牛柳扒,係其中最貴嘅部位,牛柳扒脂肪較少,加小小鹽,烤到咖啡色,外脆內鬆軟,一口一塊,果然肉質特別鮮嫩,好柔軟,好多肉汁🤗 特上西冷扒,肉質纖維較多,好有嚼頭,牛味好濃郁,6成熟就可以擺響烤網周邊等牛扒休息一下,鎖緊肉汁,加鹽和芥辣,啖啖正😘 牛赤肉,係牛嘅後大腿肉,運動多,所以無太多脂肪,烤三分鐘就已經聞到牛肉香味,咬落去肉味香濃滿滿,香滑多汁。 牛肋條肉,雪花❄️比例岩岩好,烤時會發出陣陣香氣,肉質和油香溶為一齊,好滑好滑😘 頂級安格斯則腹橫肌牛肉,呢個部位肉係最稀有,帶有適度嘅油脂,口感軟嫩,牛味香濃到不得了,回味無窮😘 仲有好多唔同嘅小食可以Refill.仲有朱古力味雪糕,檸檬雪芭,朱古力雪糕好濃滑,濃濃嘅朱古力味,好滑好綿🎀 continue reading
(The above review is the personal opinion of an user which does not represent OpenRice's point of view.)
Level4 2018-11-28
191 views
岩岩開個陣就已經想食,見今日可以早收工,而且仲有宵夜放題🤩唔試下點得!上到去有棵聖誕樹好靚,又同個招牌幾襯😂我地一行三人,今日本身係約左屋企人食野既💓就係食呢個喇~宵夜放題$298 真係幾抵👀👀坐底無耐呢個拼盤就送到,上菜都幾快既,其他食物就係同店員落單的。個全牛盛合賣相真係幾吸引,係根據返牛既部位黎擺放,一次過食咁多款牛滿足😁網燒燒出黎好靚仔,店員會keep住幫手換網,以保持燒出黎最靚👍🏻入正題講返d牛肉先,我最鍾意就係牛上肋同西冷,牛上肋肉味濃又油香。西冷有質感,肉汁豐富。而我平時最愛既牛舌雖然薄切,但口感彈牙肉嫩。另外順帶一提,佢地點燒肉既汁同d肉好夾,清爽解油。黑豚肉:有輕輕餣過,爽肉但油香。雞腿肉:估唔到幾正,除左牛外雞肉都做得唔錯,好滑😌一口芝士小吃:外脆內軟,送酒一流🤭我地當然有叫啤酒($58麒麟生啤)炸和牛丸:呢個幾特別,感覺就好似迷你版既漢堡扒,係手打個隻,內裡有肉汁,唔會乾爭爭。食咁多肉當然要食返d菜,野菜盛合有冬菇、菠蘿、秋葵、茄子。蔬菜新鮮,燒完仍保有水分,菠蘿甜又無渣。大滿足~終於比我試到😁不錯不錯。 continue reading
(The above review is the personal opinion of an user which does not represent OpenRice's point of view.)
Level4 2018-09-17
3179 views
※本文以用餐當日的環境、服務和食物質素為準,口味亦因人而異,文章只作參考之用。-在香港食日式烤肉的餐廳不少,估唔到係尖沙咀The Otto酒店樓上都有間主打食鹿兒島和牛的烤肉店Beefar’s,肉類質素唔錯,坐得舒適。亦發覺唔少日本人黎食烤肉(可能係酒店住客),當天我倆旁邊都坐上了日本客人呢!餐廳裝潢以灰色做主調,配搭簡單佈置,望落簡潔得來又有有時尚感;某些位置更以翠綠的「草」作點綴,突出了主打鹿兒覺和牛的主題。Beefar’s主打招牌的「4% 奇跡之牛」,據說鹿兒島平均每年會出產約13000隻和牛。當中只有約500隻達到A5級且BMS(降霜程度)為10以上的等級,數量不多,故被稱為「4% 奇跡之牛」。叫左個Beefar’s極上烤肉二人套餐 $988,包括左前菜、牛肉沙律、牛肉湯、六款牛肉(已包括4% 奇跡之牛)、白飯、甜品及飲品)。牛肉沙律極上牛肉湯牛肉湯味道就咁飲會稍稍鹹左少少,配白飯較適合;不過湯內的牛肉(也有牛筋)煮得夠軟腍,數量唔少,味道是不錯的。日本和牛整齊的以木盤子上枱,肉質色擇鮮艷,感覺新鮮,光看都吸引!中間的係4% 奇跡之牛肩肉,之後呈U形的分別係鹽燒牛舌、西冷牛柳粒、牛赤肉及牛肋肉。另一碟分開上的係薩摩牛Sukiyaki上等牛腰背肉(薄切)。成份都係靚既日本牛肉,如果我地自己燒好怕會浪費晒,幸好有店員會幫手燒,田法非常純熟,態度又好,值得一讚!牛舌,咬落爽口味道很香;西冷牛柳粒(左下)咬落爽口充滿肉汁,肉味濃郁,食落無渣,好好食。上等牛肋肉(右上)牛味重、牛赤肉(右下)內腿位置肉質比較有咬口,不失牛味。4% 奇跡之牛肩肉,每一片都看到細緻的油脂分佈,質感軟嫩細滑,牛脂味明顯,油脂豐腴,確實不錯。最後食牛腰背肉,大大的一片,輕輕煎過,肉質食落很嫩滑,油份充足,滿咀油香,邪惡!另外附上日本雞蛋,按個人喜好蘸上蛋漿食會更加滑溜。最後仲有人一球芒果味同豆腐味雪糕同兩杯飲品,好滿足;最重要係食完都唔覺成身油煙味啊。 continue reading
(The above review is the personal opinion of an user which does not represent OpenRice's point of view.)
Level4 2018-08-26
2834 views
俗語有云辛苦搵黎自在食,返工辛苦過後梗係食餐好的慰勞下自己。最近工作上波折重重,幾經辛苦終於完成左,唔食返餐好的又點對得住自己呀!呢間燒肉店人氣吾錯,除左主打鹿兒島和牛外,仲有一款聽個名就已經好吸引的[4%奇跡之牛],所以豪不猶疑咁選左呢間餐廳做今次的"慰勞宴"。餐廳位置相當方便,地鐵站出口一分鐘距離,環境有格調而且寬敞,感覺唔會局促。為左試[4%奇跡之牛],點左一份,雖然價錢唔平,但成個套餐相當豐富,只係烤肉已經有六款包括4%奇跡之牛極上牛肩肉,薩摩牛上等牛赤肉,薩摩牛上等牛肋肉,薩摩牛Sukiyaki上等牛腰背肉,極上牛舌(鹽燒),及是日精選牛扒。除此之外仲有前菜,牛肉湯,牛肉沙律,白飯,甜品同餐飲,真係十分豐盛的套餐。上菜速度十分快,先上牛肉湯及牛肉沙律。牛肉湯鮮甜牛味重,牛展炆得夠腍。而沙律新鮮份量大大份,配上黑酯十分開胃又解膩。之後我最期待的畫面出現了~左上: 是日精選(西冷牛肉粒) 右上: 極上牛舌(鹽燒)中間: 4%奇跡之牛極上牛肩肉左下: 薩摩牛上等牛赤肉右下: 薩摩牛上等牛肋肉最後就是薩摩牛Sukiyaki上等牛腰背肉,還附上生蛋,檸檬,鹽及醬油,可按個人喜好做出吾同食法。最最最喜愛的一定是主角 4%奇跡之牛極上牛肩肉,只係外觀已經令人流口水,雪花分佈十分均勻及偏多,輕輕燒過後油香味已經飄晒出黎,入口即溶和油香味完全充滿著整個口,好味程度真係非筆墨能形容。薩摩牛Sukiyaki上等牛腰背肉同樣喜歡,雪花紋無4%奇跡之牛咁多,所以牛肉味相對較重,但由於薄切的關係,同樣都有入口即溶的效果。而薩摩牛上等牛肋肉就是太太的最愛,雪花同肉的比例各佔一半,牛肉味同油香味的比例剛剛好,而且又夠腍口。極上牛舌亦吾錯,十分爽口。順帶一提,職員會細心的提議品的先後次序,亦會為客人烤肉。對烤肉無信心的客人,就無需擔心因手殘而糟蹋了高級的肉了。 continue reading
(The above review is the personal opinion of an user which does not represent OpenRice's point of view.)
Level4 2018-08-02
3386 views
最近有間好出名嘅鹿兒島燒肉大受我嘅朋友歡迎,較前明明唔算平,但係我幾乎全部朋友都去食過,今次想去發現環境真係幾好,嘢食都好高質素,估唔到原來都係四州集團。牛之藏和牛盛合$398首先我哋決定叫個二人盛合先,再叫其他牛肉試多啲,呢一個分別有薩摩牛上等特上同埋嘅牛肋肉,仲有薩摩牛上等牛赤肉,薩摩牛後腿肉,薩摩牛牛肋肉,同埋牛柳扒。其實每一隻我都覺得幾好食,但係我個人最鍾意就係上等,因為呢一隻用咗少少醬汁去醃,食落甜甜地帶起個鮮味,而且每塊牛嘅雪花分布都好平均,越相等嘅就越多雪花,越入口即溶。頂級牛小排$88上等牛舌$88和牛面頰肉$58比起頭先嘅盛合, 我更加鍾意散叫,可能因為我自己本身鍾意食嘅牛嘅部份好窄,比較鍾意份量多少少但係我自己鍾意食嘅,而呢三個裏面,我最鍾意嘅就係牛小排,首先牛小排有返一定嘅厚度,咬落去口感會好啲,以這雪花分布都好平均,每一啖都有好濃嘅牛肉味。牛舌同樣都幾出色,首先份量唔少,厚薄啱啱好,好快熟,但係又唔會太薄冇口感,最重要係我一直都覺得牛舌係最有牛味嘅一個部份,雖然少啲油香,但係就好有質感。面頰肉方面比較少脂肪,食起上嚟比較韌,而且有筋,但係肉質好嫩。野菜盛合$78有冬菇,秋葵,粟米,菠蘿,茄子,份量算多,而且新鮮。牛肉沙律$78牛肉沙律啲菜好新鮮,上面有四塊燒牛肉,外皮燒得好香脆,裏面仲係粉紅色,火候啱啱好,仲靚過自己燒,識落比較似係自助餐食到嘅燒牛肉,冇油香,但係好有咬口,好適合做沙律。韓式和牛石鍋飯$88呢個一上枱已經聞到好香嘅牛油香味,但係出奇地好難先搵到牛肉,因為佢切得好碎,同啲飯粒融為一體。極上牛肉拉麵$68呢個又係另外一個好出奇,價錢完全五季,但係喺裏面搵到成五六舊牛腩連筋,質素絕對唔差,拉麵好煙韌,牛肉湯底非常濃味,但係有少少辣。 continue reading
(The above review is the personal opinion of an user which does not represent OpenRice's point of view.)