發達叉燒

Open Now

Now Closed

呢間開業無耐就成為灣仔排隊熱點嘅餐廳，由人氣粵菜私房菜「鋒膳」燒味師傅余燦達主理，雖然門面低調，但口碑相傳之下都真係吸引不少食客特登嚟捧場。作為鋒膳嘅姊妹店，呢度嘅燒味延續高水準，價錢卻親民得多。大部分主食都跟碗餐湯，粉葛湯飲落清甜無味精感，仲有不少瘦肉同粉葛，誠意十足。叉燒雙蘭王蛋飯 $88果然是鎮店之寶！叉燒選用西班牙甘栗豚梅頭肉，全是半肥瘦部位，油脂甘香，蜜汁焦燶邊帶微微炭香，咬落鬆化得嚟肉汁豐盈。最驚喜係配上兩隻燶邊太陽蛋，蛋黃撈埋叉燒汁同飯，令平凡白飯即刻升華成「邪惡料理」，好食到我都食晒成碟飯。茅台醬油雞燒鵝飯 $80醬油雞用茅台王子酒醃製，雞皮爽滑得嚟帶淡淡酒香，肉質嫩滑唔嚡口。燒鵝更加是亮點，以蘋果木明爐燒製的鵝，皮脆肉嫩，鵝油香而不膩，蘸埋自家製酸梅醬，酸甜平衡恰到好處。鵝汁西蘭花苗 $60菜苗嫩無渣，淋上燒鵝滴出嘅原汁，鵝油香滲透每條纖維，簡單卻顯功架。