Video
Read full review
2021-11-18
273 views
行過熱鬧嘅旺角街道，好攰想休息吓，就漫無目的地入咗嚟呢間餐廳。👍🏻俄羅斯烤牛柳闊條麵一上枱就聞到好香，食落就知原來唔係普通嘅忌廉汁，仲添加咗啲肉桂粉令整個麵好有特色，咬口更加恰到好處。面頭嘅牛柳有非常濃厚嘅牛味，外面炙香內裏粉嫩，肉質唔會太乾太鞋，同個麵好配搭，出色。👍🏻日本明太子手羽全日早餐一上枱見到已經覺得性價比好高，好大碟！鹹/甜，前菜主菜甜品都集於一身，擺盤豐富用心。先係沙律，配搭各種沙律菜同甜醋，果然開胃；順住食炒得好滑身嘅蛋、份量好多，調味得宜嘅炒蘑菇、炸得好香口嘅薯餅粒；明太子雞翼真係值得一讚，成隻都金黃色，去骨後餡料塞得好飽滿，鹹鹹辣辣十分惹味！而第二主角窩夫，唔算太厚肉有嚼頭，反為偏脆口，夾住中間嘅黑糖麻薯幾特別，做到外脆內軟，另外仲配埋煉奶，簡直係一大享受！至於茄汁焗豆都花功夫，額外加咗煙肉調味，令感覺再昇華。菜式唯一美中不足就係焦糖香蕉表面做唔到脆身效果，大概係煎嘅時間唔夠長，只係有啲甜味喺面～👍🏻海鹽奶蓋咖啡咖啡甘醇香濃，酸度適中，配埋面頭鹹鹹地嘅奶蓋同好甜嘅焦糖脆脆，每一啖都係味蕾嘅享受，小編大愛！👍🏻八十後士多啤梨及藍莓乳酪沙冰沙冰大杯到滿瀉，每一啖都夾雜藍
👍🏻俄羅斯烤牛柳闊條麵
一上枱就聞到好香，食落就知原來唔係普通嘅忌廉汁，仲添加咗啲肉桂粉令整個麵好有特色，咬口更加恰到好處。面頭嘅牛柳有非常濃厚嘅牛味，外面炙香內裏粉嫩，肉質唔會太乾太鞋，同個麵好配搭，出色。
👍🏻日本明太子手羽全日早餐
一上枱見到已經覺得性價比好高，好大碟！鹹/甜，前菜主菜甜品都集於一身，擺盤豐富用心。先係沙律，配搭各種沙律菜同甜醋，果然開胃；順住食炒得好滑身嘅蛋、份量好多，調味得宜嘅炒蘑菇、炸得好香口嘅薯餅粒；明太子雞翼真係值得一讚，成隻都金黃色，去骨後餡料塞得好飽滿，鹹鹹辣辣十分惹味！而第二主角窩夫，唔算太厚肉有嚼頭，反為偏脆口，夾住中間嘅黑糖麻薯幾特別，做到外脆內軟，另外仲配埋煉奶，簡直係一大享受！至於茄汁焗豆都花功夫，額外加咗煙肉調味，令感覺再昇華。菜式唯一美中不足就係焦糖香蕉表面做唔到脆身效果，大概係煎嘅時間唔夠長，只係有啲甜味喺面～
👍🏻海鹽奶蓋咖啡
咖啡甘醇香濃，酸度適中，配埋面頭鹹鹹地嘅奶蓋同好甜嘅焦糖脆脆，每一啖都係味蕾嘅享受，小編大愛！
👍🏻八十後士多啤梨及藍莓乳酪沙冰
沙冰大杯到滿瀉，每一啖都夾雜藍莓同士多啤梨嘅酸甜，面頭仲有啲新鮮水果同穀物脆脆，健康、飽肚得來又好似甜品嘅感覺，好推薦！
👍🏻👍🏻隨餐附送嘅沙律有驚喜，除咗沙律菜以外，仲鋪上份量不少嘅芝士碎、煙肉脆粒、巴馬臣火腿，配上一甜甜地嘅沙律醬，作前菜一流，而南瓜湯則鹹鮮香濃，唔會太杰，唔似係加好多粉溝出嚟嘅，仲有粒粒鮮南瓜肉口感。
Post
