我地平日嘅夜晚8點半去到，全店滿坐，食到10點都一直有客入黎。大家記得要book位呀！
店員介紹必食甲羅燒。甲羅燒有三款選擇，分別有赤鬼明太子蟹味噌、黑門令蟹味噌同埋海膽蟹味噌。我地就嗌左黑門令蟹味噌甲羅燒。
↘ 黑門令蟹味噌甲羅燒 $72
三款甲羅燒都有蟹膏、蟹籽、蟹肉同鵪鶉蛋，而呢款最著重係蟹味。蟹味真係好出，好香濃，亦好甜。由於有蟹籽，每一啖都會食到「索索聲」，口感豐富。真係必食嘅菜式。
↘ 極上大漁貝燒 $98
呢樣都係店員推介，同甲羅燒一樣，店員拎去燒之前會拎黎俾客人影相先。
有海膽、帶子、蝦、蠔等等。燒完出黎貝殼上嘅汁先係精華，集結曬所有海鮮嘅鮮甜。
另外仲叫左以下其他菜式都好好食，脆脆包、安格斯牛肉沙律、酒襲釀烏賊都好特別。
↘黑門令大漁魚子醬脆脆包 $176
↘酒釀生螢烏賊 $68
↘蜜糖芥末火灸安格斯牛肉沙律 $128
↘三文魚刺身 (4切) $78
↘黑門大阪燒 $88
↘大阪木津海鮮丼 $188
