春城銅鍋米線

Open Now

Now Closed

之前朋友經過【春城銅鍋米線】覺得用銅鍋好特別，所以就今次放假去附近就去左呢間試下啦。餐廳人流都好多，所以要等位同需要搭臺。佢地既特色就係用銅鍋煮米線，所以非常熱辣辣。麻辣牛腩銅鍋米線：銅鍋保溫一流！牛腩燉到軟腍入味，麻辣湯底勁夠味，花椒香氣突出，米線吸晒湯汁超正～配料仲有芽菜、腐竹等，辣度可以自選，嗜辣必試！招牌猪扒酸酸辣辣銅鍋米線：豬扒炸到外脆內嫩，分開上保持脆度～酸辣湯底酸香醒胃。香炸豬扒荷葉包：荷葉包蒸到軟熟，夾住超大塊炸豬扒，外脆內多汁！加埋炸腐竹、沙律醬同芫茜，邪惡但滿足～爆漿紅糖糍粑：外皮炸到脆身，一咬開紅糖漿爆出嚟！煙韌糯米皮加流心糖漿，熱辣辣食最正～凍檸檬利寶納：利寶納黑加侖子汁酸甜解辣，加埋新鮮檸檬片，冰涼爽快！菊花茶：清熱降火，食完麻辣嘢飲返杯最啱～佢地仲有尖沙咀分店。