Hanook Korean Restaurant

周末中午好想食韓國野，但又驚炸雞太熱氣。朋友提議嚟韓屋，聽講啲湯幾好飲，就試一試先。

掙扎左一輪叫人蔘雞定牛膝骨湯。最後，見牛膝骨比較特別，於是叫左佢。

一上枱，用石鍋上，熱辣辣，啲蒸氣搞到張相都曚左。湯入面除左牛膝骨仲有洋蔥等配料。

啖啖骨膠原，已經煲到好冧，湯仲有胡椒味，食到個人暖哂，所以嗌番枝野飲先

檸檬梳打飲啖熱湯加冰凍梳打，

跟餐醃蘿蔔，夠入味

然後食埋個芝士豬肉拌飯

當然要撈埋辣醬

個芝士拉絲

食物味道唔錯，食完唔會口喝，相信係真材實料。店員服務態度好好，有食客離開會馬上清理同消毒枱面