鳥居居酒屋

Open Now

Now Closed

叫左個二人前套餐再點左兩杯野飲，我就叫左馨和手工啤，麥味比較重，但係又唔會太苦，入口甘甘甜甜。仲要係MADE IN jAPAN 。覺得幾好飲。朋友就叫左乳酸味汽水。感覺都不錯。前菜要左蟹肉芝麻凍波菜，不過不失，波菜好軟林，混合一齊食。小食燒鱈魚乾好脆口，一路食一路飲酒，同朋友一路吹水，不知不覺就食晒了。白拔蚌身勁鮮甜，新鮮即切蚌肚口感豐厚爽彈鮮甜，蚌脛咬落去又夠爽脆。冰夠凍。日本活SCALLOP新鮮燒致半生熟，而且好大粒。裙邊好爽脆都唔會老，調味剛剛好每口都好滿足。串燒即叫即燒，雞肉棒同有雞軟骨增加口感層次，仲有一隻生雞蛋去點，啖啖雞肉香。豬肉卷包著露筍，內層露筍爽脆爽口，外層豬肉汁香口。好手造豆腐全部剛剛燒好，豆腐比較薄保係好滑好入味，入口好香口。燒龍用左西澳龍蝦，外面脆卜卜一隻龍蝦分左兩邊，肉質彈牙有口感，黎到時肉質一紋路清晰夠晒生鮮。龍蝦肉好容易就切開取出。加拿大海膽伴冷鳥冬，加拿大海膽狄大大舊夠鮮甜好滿足，鳥冬彈牙夠冬，兩個女仔share一齊食剛剛好。最後有個吉士窩夫，估唔到個窩夫有驚喜，外層好似糯米池咁好軟糯。入面就凍冰冰好好食。