石鍋堂

Open Now

Now Closed

🍴收工又去左旺角等男朋友收工，再去女人街搵野食，今次揀左呢間石鍋堂，主打石燒烏冬同石頭鍋飯。🍴我叫咗個醬油豬手石燒手打烏冬🍜，湯底有五款可以揀，我揀咗最貴嗰款魚介豚骨濃湯做湯底，$118。🍴一上碟真係有啲驚喜，成隻豬手超級大隻，啖啖肉之餘肥膏都唔少，個人認為醬油味偏鹹。而湯底、手打烏冬、餸菜配料做得幾出色。烏冬煙煙韌韌，口感好正；湯底味濃，仲落咗櫻花蝦，賣相都幾靚。🍴男友就叫咗燒牛仔骨牛舌石鍋飯，轉普通碗上，$86。🍴個汁值得一讚，配飯、牛舌、牛仔骨都好正👍🏼。牛舌切得薄薄的，容易咬。但係牛仔骨試咗幾塊都超難咬，呢個有待改善。如果係冬天黎就啱哂，啲野食超熱辣滾燙。