煲底海鮮火鍋料理 (Closed)

餐廳：煲底海鮮火鍋料理 (尖沙咀)地址：尖沙咀金馬倫道38-40號金龍中心3樓話明煲底見，緊喺要再嚟直等到黎明嘅出現啦🌅，之前已經嚟過煲底海鮮火鍋料理打邊爐🍲，高質同獨創嘅火鍋食材真喺諗返都想再回味一番😋。最近見到佢哋唔單止做火鍋，午市仲推出煲底醉愛午餐、煲底自選湯飯、煲底限定午餐同多款特飲🍹，星期日返完崇拜就過咗嚟一試佢哋嘅午市菜式😎✝️古法花香醉雞 $78每款煲底醉愛午餐都配菜飯同藥膳湯，未食就已經聞到碗湯傳嚟陣陣藥膳香🤤，見到入面有雞腳、粉葛、豬肉等，一飲就知香濃又補身😌，茶膳味香而唔會苦澀，飲唔停口。醉雞喺凍食嘅，配埋涼拌木耳同醃青瓜🥒，食落酒香突出，以酒醉清香為主，不過個人就覺得雞肉有少少凍得滯🤏，但食埋個熱辣辣嘅菜飯又中和返😆，一凍一熱咁又唔錯👍，雞件份量仲唔少添🐓跟餐加$8可以換購一杯原價$32嘅特飲，我就叫咗個熱情果四季春🌿，仲有其他涼心、梳打、沙冰、果香茶壺等系列，唔知你又想試邊款呢？