83
6
0
3-min walk from Exit N2, Tsim Sha Tsui / East Tsim Sha Tsui MTR Station continue reading
Telephone
61622721
Introduction
The main tone of the restaurant is in black and yellow. It offers hot pot and sashimi don. There are several choices of the soup base, like mushroom with black truffle soup. continue reading
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
Payment Methods
Visa Master AlipayHK Alipay Cash AE UnionPay
Other Info
Online Reservation
Spot payment
About Reward Scheme
Review (100)
Level4 2021-06-01
1438 views
好耐都無打邊爐喇,呢日就去咗尖沙咀呢間樓上火鍋店,見到個店名同環境裝修都知呢間嘢咩料啦💛💛🤪一嚟到店員就會俾一盒醬料盒可以自己調校醬料。今次就叫咗佢嘅二人餐,一個價錢包埋醬料同加一,仲有豐州直送嘅刺身送同埋啤酒/特飲。套餐包一款湯底、一款肉類、一款小食以及6份配料,就咁睇以為份量會好少唔可以好似放題咁食到盡,點知食到一半已經夠晒飽,食完仲飽到上心口🤰🏻🤣呢度無論湯底、肉類抑或配料都好講究,食物質素都好高質👍🏻👍🏻絕對唔係放題果啲level。打邊爐又唔想太肥,所以今次落咗菜同豆腐先,之後落其他配料,最後先食肥牛,咁個湯底就唔會keep住好油,咁啲菜同豬肺、豆腐等等就唔會吸晒啲牛油啦😎湯底-杏汁白菜豬肺鍋湯底揀咗呢個好少見嘅豬肺湯,一嚟到就見到個湯底勁足料😍全部都係滿滿嘅豬肺、菇、蘿蔔同白菜仔,打邊爐之前點都要飲返碗,飲到淡淡杏汁香味但又唔會好濃好搶。豬肺洗得好乾淨,而且大大塊,食落好爽彈,就咁當一個湯咁飲都唔錯😋另外仲有啲花雕醉雞鍋、海帶螺頭鍋、番茄薯仔牛鍋等都好吸引,下次都可以試下。金目鯛、真鯛呢兩款刺身係送嘅,分別點酸汁同豉油食,刺身大大件好新鮮。小食-鹽燒牛舌好多款椒鹽炸物、醉雞、燒烤類都好吸引,最後叫咗呢個牛舌,牛舌大大塊👅睇落好薄但食落都幾有嚼勁,煙煙靱靱,食到好香孜然粉味,加埋個黃芥末醬直頭畫龍點睛,成件事好夾。肉類-頂級新鮮手切本地肥牛(小)主要肉類可以4選一,另外仲有安格斯肥牛、豬腩片等選擇,呢個本地肥牛寫住(小)但份量真係誇張地多,肯定唔止2人份量🤣🤣見到個色澤同脂肪分佈就feel到好高質。輕輕灼幾秒食,入口都幾爽,唔算好滑不過都食到牛味。牛骨髓、豬肚6款配料入面叫咗呢2款比較刁鑽嘅部位,牛骨髓都係第一次食,滑捋捋咁好似啫喱好得意😗骨髓同豬肚都洗得好乾淨,本身冇乜味,加埋湯底同醬料食就啱啱好。爆汁梅菜豬肉丸呢個丸係呢度招牌,豬肉丸都幾大粒,咬個陣要小心啲,因為入面釀咗香甜嘅梅菜汁,真係幾爆汁💦冰豆腐、唐生菜、水晶粉皮今次就叫咗冰豆腐代替豆卜、響鈴、枝竹類,不經油炸會健康啲,一開始落豆腐,索晒啲湯汁又唔會吸到油份。另外唐生菜份量相對就略少。芒中柚沙冰、白桃沙冰飲品方面叫咗2杯沙冰,另外仲有唔同梳打、多多、果茶等選擇。我就飲咗芒中柚沙冰,入面勁多柚子肉,味道唔甜,好refreshing。人均消費:$400推介指數(10分為滿分):8.5分 continue reading
(The above review is the personal opinion of a user which does not represent OpenRice's point of view.)
見到煲底呢個名,大家都心照啦!所以我約咗個好黃嘅朋友一齊嚟食佢哋個堂食二人餐$799(包加一醬油),食到好滿足🤰🏻首先可以揀生啤/特飲兩杯,我哋一杯係白桃烏龍,另一杯係芒果四季春,味道還好。然後有刺身,好新鮮👏🏻👏🏻🍲湯底 選一五花八門,總有一款係你心水,例如有花雕醉雞鍋、野菌黑松露湯鍋、蕃茄薯仔牛粒鍋、杏汁白菜豬肺湯等等。我同朋友就揀咗超級足料嘅日式海帶螺頭湯,裏面有好多豆腐、菇菌、海帶同埋螺頭粒,所以湯底好入味😋🥩肉類 四選一有澳洲黑豚肉、本地黑毛豬腩片、頂級新鮮手切本地肥牛、頂級手切安格斯肥牛可選。我哋當然揀安格斯肥牛啦。每塊都有一定嘅厚度,唔會好似紙咁薄,質感厚實,牛味濃郁😍🌽小食 選一小食類主要以椒鹽系列為主,例如椒鹽粟米、魚片頭、豆腐粒、蝦腐、魚腐等等,我哋就叫咗比較特別嘅自家製椒鹽墨魚腐,食到入邊真係有墨魚粒,而且幾彈牙😊🥬各式配料 選六豬類主要係內臟,海產類就有三款魚揀,牛類就有牛骨髓,所以呢三款都唔係我哋嘅目標。餃類:自家茄茸包條皮薄到好似小籠包,入面個餡嘅味道似茄蛋甜甜地,非常開胃☺️丸類及滑類:爆汁梅菜豬肉丸無想像中嗰種梅菜味咁鹹,但確實係爆汁爆到射咗去朋友件恤衫,所以食嘅時候要非常小心⚠️菜類及菇類:打邊爐點都要叫啲菜食下嘅!娃娃菜既大棵又鮮甜,應該都係好多人打邊爐嘅心水💚豆品麵類:自家製蝦腐同魚腐,前者有蝦嘅彈牙,後者有豆腐嘅香軟質感,味道唔錯。不得不叫嘅係龍口粉絲,完全吸收晒湯底嘅精華,超級入味🥰 continue reading
(The above review is the personal opinion of a user which does not represent OpenRice's point of view.)
Level4 2021-05-17
720 views
同朋友去咗呢間頗有名氣嘅火鍋店打邊爐,火鍋店以黑黃為主色,環境光猛舒適,另設有VIP房!除可單點火鍋湯底或配料外,仲有火鍋套餐可揀:🍲二人火鍋套餐($799)呢款套餐包咗刺身、小食、湯底、肉類、六款火鍋配料及兩杯飲品:🖤💛刺身:深海池魚當日刺身係豐州直送嘅深海池魚,刺身新鮮有光澤感,肉質較結實,味道爽口鮮甜,配同酸酸地嘅醬汁,好好味😋推薦👍🏻🖤💛小食:自家製椒鹽墨魚腐小食選擇都幾多,當中呢款比較特別及少見,墨魚腐配埋金黃香脆嘅炸蒜,非常香口惹味😋口感與一般魚腐無太大分別,但就略帶墨魚味,係不錯嘅開胃小食😋🖤💛湯底:花雕醉雞鍋(半隻)藥膳湯底加入黨參、北芪、杞子及紅棗等食材,滲着淡淡酒香,滾起後香氣更濃😌醉雞分開另上,店員建議煮8分鐘就食得,雞件充滿酒香,口感厚肉又嫩滑,與湯底一齊食好正👍🏻🖤💛肉類:頂級新鮮手切本地肥牛(小)肥牛單憑賣相就知新鮮又高質,輕輕淥幾秒就食得,肉味好重又軟嫩,但又不失嚼勁😋真係好食到唔多夠喉😆🖤💛六款火鍋配料:👉🏻自家茄茸包外皮口感與小籠包相似,但饀料係蕃茄茸,味道酸酸地,幾特別😋👉🏻爆汁梅菜豬肉丸豬肉丸幾彈牙,包住甜甜地嘅梅菜,一咬就爆汁勁juicy,真係要小心燙口!👉🏻九龍吊片本以為吊片係鮮魷,原來係曬乾嘅魷魚🙈吊片唔洗淥好耐就食得,香而不韌,原來用嚟打邊爐幾好食😆👉🏻皇帝菜皇帝菜幾新鮮,又洗得乾淨,如果份量再多啲就perfect😆👉🏻青荀青荀夠晒鮮嫩翠綠,淥一陣就食得,口感爽脆👍🏻👉🏻龍口粉絲最後將粉絲加入湯底,粉絲吸晒湯汁嘅精華,真係超好食😋🖤💛飲品:生啤或特飲分別點咗Asahi及巨峰提子凍頂烏龍!巨峰提子凍頂烏龍只有熱飲,味道有少少甜,幾香巨峰提子味,飲晒可再要求加水!食物真係幾高質,款式選擇又多,有不少特別及講究嘅食材,整體確係唔錯👍🏻絕對值得回頭幫襯👍🏻 continue reading
(The above review is the personal opinion of a user which does not represent OpenRice's point of view.)
仲記得上年年底嗌過一次火鍋外賣之後都念念不忘 最近肥Glor好開心可以試到佢地嘅堂食二人餐!店舖距離尖沙咀站3分鐘 好方便 不過最近大廈搭棚 所以大家搵路嘅時候記得一眼關七 唔好miss左個入口(好似我咁🥲)店內座位多 仲有提供VIP room 以💛🖤係主要色系 座位亦十分寬敞舒適👍🏻·堂食二人餐 $799(包加一醬油)*刺身兩位用刺身有羽太魚、蓮子鯛同虎鰻各兩塊!羽太魚肉質鮮嫩紮實 好有彈性 蓮子鯛魚皮用熱水輕輕燙過 大大增加左魚皮魚肉嘅口感層次 虎鰻肉質細嫩 鮮甜美味 好特別呢~*花雕醉雞鍋(半隻)哩個湯底用料毫不吝嗇 滿滿枸杞、黃耆、龍眼肉、紅棗同黨參等食材!酒味唔會過濃 滾起之後味道甘醇濃厚 容易入口👍🏻負責人建議將啲雞煮8分鐘就食得 雞肉彈性十足 肉質嫩滑多汁 好多雞脾肉!推💛*頂級手切安格斯肥牛(小)油花分佈平均 一睇個賣相就知道唔係平嘢~厚薄度啱啱好 食落肉味超重 幾乎冇筋 嫩滑程度掂過坊間大部分火鍋店👍🏻*秘製去骨醉豬手去骨啱哂我哩啲懶人 豬手口感爽脆入味 豬手切成一口份量好細心👍🏻配合旁邊嘅木耳一齊食就更開胃!*嫩滑牛骨髓牛骨髓真係好少有🙌🏻食落完全唔油膩 食落好似啫喱+內臟嘅質感 好特別 冇試過嘅話可以一試喔~*豬頸肉廚師用豬頸肉砌左朵玫瑰花 充滿少女心💜食落肥而不膩 豬嘅鮮味好突出!*自家製鮮蝦水餃佢地嘅水餃係自己包冇假手於人㗎🙌🏻望落大大粒 食落皮薄而且保守估計有3-4隻🦐 足料到爆~*鮮打墨魚丸每日新鮮手打 食落墨魚香氣濃郁 食得出冇偷工減mix左其他魚肉!而且極度彈牙 仲有啲蟹籽喺表面 口感更有層次~*青荀*出前一丁最後當然唔少得食翻幾塊鮮甜脆口嘅青荀同公仔麵收尾啦~成個餐嘅份量多到要攬住個胃腩走🙌🏻💛*Asahi+1664生啤各一杯呢個set仲包每人一杯生啤或者特飲添~🌟結論:食物超級高質 完全對得住佢個價 比起上次我叫嘅外賣套餐質素上進步左好多👍🏻feel到負責人喺食材採購上花左唔少心思 絕對會revisit💛#𝙛𝙚𝙞𝙜𝙡𝙤𝙧_𝙚𝙖𝙩📍 煲底海鮮火鍋料理 (尖沙咀)尖沙咀金馬倫道38-40號金龍中心3樓 continue reading
(The above review is the personal opinion of a user which does not represent OpenRice's point of view.)
打邊爐成日都打, 但好多時千篇一律無咩驚喜, 環境又嘈又多人. 今日本身約咗frd去厚福街食嘢, 但睇嚟睇去都無咩心水, 好多間都無得坐低慢慢食同傾計. 最後喺隔離街見到呢間樓上火鍋仲做埋刺身同丼飯咁勁, 就上咗去試.我哋揀咗非常闊落嘅卡位坐, 感覺上比圓枱可以擺到更多嘢食. 呢度冷氣夠哂大,我最怕打邊爐熱辣辣空氣唔流通搞到我流哂汗🙄而且呢度無論凳, menu同紙巾都係黃色架, 連牆上面嘅每一粒字都係, 有種番屋企食飯嘅感覺💛 Menu入面大部分嘢食睇落都好吸引, 我哋無嚟過, 隔離枱啲嘢食又未嚟, 所以唔知每樣嘢嘅份量, 叫咗好多🤦🏻‍♂️ 但好在每樣嘢都ok, 我諗要嚟多最少兩次先可以試哂我哋想試嘅野🦑冰火魷魚呢個前菜嘅idea係嚟自街頭小食, 改良咗之後變咗做冷盤小食. 魷魚切成網狀, 每一塊食落都爽口彈牙同埋幾大塊. 加埋秘製辣椒醬同芝麻一齊食真係食到停唔到口, 未開始打邊爐已經飽左兩成😖🍣豐洲直送刺身+南澳龍蝦刺身一餐圓滿嘅邊爐又點可以唔嗌刺身🤨見到隔離大大盤象拔蚌, 我哋就叫咗幾款豐洲直送嘅白身魚再加南澳龍蝦刺身. 擺盤好靚, 金目鯛, 油甘魚同龍蝦都好鮮甜. 金目鯛比想像中好食, 啲皮好似火炙過嚟. 龍蝦份量好多, 食極都仲有, 好抵食☺️ 食完之後, 個龍蝦頭仲可以俾店員切件再放落鍋度淥埋嚟食🙃🥘湯底: 秘製麻辣鍋 + 野菌黑松露湯鍋 有成十幾款湯底揀, 最後揀咗呢兩款. 麻辣鍋辣度適中唔會刺鼻, 就算用響鈴嚟掛汁都可以一啖食哂. < 亂入: 好多時啲響鈴浸落湯度三幾秒就冧哂, 但呢度嗰啲浸多幾秒都仲好挺身同脆脆哋. 配麻辣湯底不得了🙃 > 個野菌黑松露湯無麻辣鍋咁搶味, 但真係預咗俾你當湯咁飲, 啖啖都係黑松露, 連refill個樽底都有厚厚嘅一層黑松露, 要攪匀先倒到啲精華出嚟🙃🥩頂級新鮮手切本地肥牛(大)Layout唔錯, 每一塊肥牛都好大塊, 厚切同埋顏色紅潤. 牛肉同油花嘅比例算適中. 好耐無試過浸落湯度要等一陣先熟. 食落肉味算濃同唔靭, 點埋麻醬同炸蒜一齊食好夾🙃🥟自家製黑松露帶子湯包/ 自家製蟹皇包呢度有幾款特色自家製餃子, 揀多樣都係加十蚊, 又大大粒咁,梗係試多樣啦. 個黑松露湯包好重黑松露味就唔使多講啦, 每個包入面仲有半粒帶子, 淥落黑松露湯底度淋埋啲黑松露係上面一齊食直頭係雙重享受😋 不過個人覺得蟹皇包仲正. 皮薄, 入面全部都係蟹膏蟹肉再加切左粒嘅菇, 真材實料,食到停唔到口. 兩款包個樣實在太似, 所以蟹皇包下面係加咗片紅蘿蔔嚟做記認, 咁我哋先至可以梅花間竹咁試😌 🐽豬八戒拼盤擺位好靚而且份量好多, 三至四個frd打邊爐/ 鍾意食豬嘅朋友嗌呢個就啱嘞. 拼盤有本地黑毛豬, 豬頸肉, 粉腸, 豬肺同豬肚. 豬頸肉係厚切同埋砌成花朵形狀, 幾特別. 個人認為黑毛豬同豬肚最好味. 豬肚好冧, 同麻辣湯底好match🙃🍤自家製鮮蝦蓮藕爽兩塊蓮藕中間夾咗蝦膠, 配麻辣湯底口味更佳. 蝦膠好入味. 如果蓮藕再薄切少少會更好🙃總結: 好彩最後過咗嚟食🍻呢度嘅湯底, 肉類同刺身都睇得食得, 重量但係又重質, 而且可以慢慢坐, 無壓迫感. 下次要約多兩個人晏晝嚟食, 試埋佢啲刺身丼飯同埋日本雪糕先得🙆🏻‍♂️ continue reading
(The above review is the personal opinion of a user which does not represent OpenRice's point of view.)