天天海南雞飯 (ELEMENTS圓方)

Open Now

Now Closed

拎咗消費卷，放工即和同事去行街食飯，首先去尖沙咀圓方購物中心行下，買完戰利品，係時候搵地方食飯，經過一間叫天天海南雞飯，主打海南雞，同事話來自新加坡的天天海南雞飯，其招牌海南雞飯皮薄肉嫩，加上以煮雞精華一同煲出的雞油飯，深得食客喜愛。急不可待立即入就和同事入內用餐。天天海南雞中份，用新鮮雞經過5小時精心烹調，令雞肉滑嫩入味，加咗秘製雞汁，味道與別不同，特別美味！本來想叫油飯，但已經售罄，只有白飯。古法肉骨茶，份量都幾多，用火熱住食，湯底係胡椒豬肚湯，味道香濃潤喉，肉骨厚肉、枝竹和豆卜吸收湯汁，啖啖鮮甜好美味！經過煙燻的黑豬叉燒，迷人燻香撲鼻而來，叉燒肉汁飽滿，用黑豬肉俱特別風味，煙燻香配甜蜜汁，肉質鮮香甜美，脂香濃郁。