炙・宴 (利東街) (Closed)

今日去咗灣仔利東街一間日式叫「炙·宴」嘅舖頭，舖頭環境舒適。我同朋友被安排坐喺廣告牌旁邊嘅座位，廣告牌上面嗰個女仔面上有一個好親切嘅笑容奉上美味食物，感覺良好。但係唔知點解個廣告牌又唔擺出門口吸引客人，係要擺喺舖頭裏面，只有好小客人可以睇到。之後，見到餐牌有好多選擇，唔知食乜好。最後，比我見到一個寫住「当店名物豚丼」。見到佢寫住名物就揀佢試吓!「当店名物豚丼」一片片薄薄嘅豚肉鋪滿咗整碗飯，散發出燒烤嘅焦香，而且賣相吸引。配上鹹中帶甜醬汁特別惹味。同埋沙律一齊食一啲都唔膩。如果可以多啲醬汁，淋上飯面更加好味。套餐包括有麵豉湯同埋沙律，份量啱啱好。豚丼果然係名物嘅質素！