柒拾車仔麵 (Closed)

因為夜返，佢又開得晏，無得食揀求其食，入到去發現無乜人，自己寫紙，都係要最普通嘅餸，魚蛋雞翼蘿蔔，沙嗲湯底，首先，湯底無味，啲餸都唔入味，仲要唔算平，服務又無，個中年女人唔知係咪老闆娘，黑口黑面，總之成個氣氛都好似想你快啲走咁，佢又無客又未閂，都唔明有乜咁急，食完我都唔會想留低啦，唔駛係咁望我食完未啦。總之，試過一次絕對唔會再去，寧願食24小時老麥或自己返屋企煮面好過，我都唔明點解佢仲可以開咁耐未執，可能附近實在太少選擇。