柒拾車仔麵 (Closed)

一向都知佢又貴又唔好食 服務態度又差今晚即慶想食車仔麵就決定俾多次機會佢老闆娘自己下廚諗住好啲啦 點知 失望到一個極點老闆娘好似唔熟悉廚房運作咁得個2枱客都冧檔 等左十幾分鐘問下佢啦 佢話即刻整俾我 以為咁好啦 頂 個湯底求其到。。。我唔食得辣佢竟然俾辣既我 唉 唔怪得無人食啦

最近幾個月先發現呢到有間車仔麵，食過幾次覺得好抵食又幾好食！3餸+麵= 40蚊(apps外賣自取價)，連平台費都係41.2蚊。佢個麵底勁大份，普通麵底食落好似加底份量咁，每次食落都飽過食譚仔。麵底佢有粗麵幼麵河粉油麵米粉米綠，公仔麵同出前一丁就要加錢。我鍾意叫粗麵 ~ 餸都算多選擇，我個人鍾意食雞翼，牛柏葉，通菜 ... 雞翼腍柏葉爽通菜脆！湯底+辣汁好食！小食即炸都好香脆，份量多 ~通常搭地鐵就到坑口站就用外賣apps叫定行到過黎有得拎，方便又抵食！

見到呢間車仔麵評語話湯底無味 是冇加汁的緣故吧 紙仔上可以選麻辣/沙嗲/咖喱/辣汁 是否我幸運呢 我揀了麻辣汁車仔麵都ok炸魚皮仲另上薄薄地幾香脆叫5個餸加$3有埋飲品可樂仲可以揀罐裝或者樽裝

從來沒有試過沒有味道的車仔麵😒還是第一次吃！ 真係激死人！ 唔會再有下次！ 炸燒賣咋凍石頭一樣真係唔知點食！總知食杯麵冇咁嬲啦！夜麻麻都唔知可以搵咩食！ 淡茂茂的車仔麵唯有硬食

因為夜返，佢又開得晏，無得食揀求其食，入到去發現無乜人，自己寫紙，都係要最普通嘅餸，魚蛋雞翼蘿蔔，沙嗲湯底，首先，湯底無味，啲餸都唔入味，仲要唔算平，服務又無，個中年女人唔知係咪老闆娘，黑口黑面，總之成個氣氛都好似想你快啲走咁，佢又無客又未閂，都唔明有乜咁急，食完我都唔會想留低啦，唔駛係咁望我食完未啦。總之，試過一次絕對唔會再去，寧願食24小時老麥或自己返屋企煮面好過，我都唔明點解佢仲可以開咁耐未執，可能附近實在太少選擇。

男朋友平時都會嚟呢間食車仔麵，平時聽佢講呢度啲蘿蔔好好食。今日終於得閒帶我嚟食下啦！我就叫咗蘿蔔豬紅同雞翼幼麵加杯熱奶茶男朋友就叫咗豬紅蘿蔔豬皮同粗麵呢度啲蘿蔔食落去好甜，應該係醃過嚟👍🏽雞翼同豬紅就普通，好難唔好食😂相反幼面就好硬，應該煮得唔夠耐熱奶茶就好有驚喜啦，茶味龍奶味都好勁可以話係我人生中頭一兩杯覺得好飲嘅熱奶茶！嗰日去度都冇乜人，同埋個姐姐態度都好好為咗呢舊蘿蔔我應該都會再去食😂

係好之耐前食，已經覺得態度好差，比個女人嚴3嚴4,要講明唔該要罐粉達，都要開支野玻璃既比為。原本都想照要，但屈我要一支就唔得[ 因為我老公一早講支裝唔夠飲 ] 諗住無下次，但又衰左試多次，入到去，地下痴立立，唯有叫外賣點知有碗成碗錯哂，幼麵 變粗面，無個餸係岩既仲要外賣比錯曬唔會再有第三次

食過呢間車仔麵兩次，覺得味道都ok。 但第二次幫襯 ，樓面阿姐態度超差， 店舖規定一定要叫三餸，唔記左，叫咗兩個餸，阿姐語氣超差話三個餸呀， 重有找錢就咁劈啲錢喺枱面，唔會再有下次幫襯， 而且味道偏鹹, 食完好口渴。

嘩！竟然仲有餐廳有芬達提子呀！即點！最少三餸的車仔麵，味道偏咸。叫左個通菜，賣相麻麻，腐乳就好一般了，所以通菜都係冇下次了。豬紅、豬腸、雞翼油麵，男友叫左4餸，兩汽水，兩小食=$120 lee個價錢，都冇得要求太多了～

打去叫外賣，響到個電話爆炸都遲遲無人聽😡，一拎起一把極不耐煩嘅阿嬸聲接聽，落單未講完要咩，就不停從覆你問係咪凈叫一個餸，完全唔俾停頓空間你，要你講急口令。之後就扌冚（給）你線。我覺得呢仲招呼客人嘅方式好優秀，令客人好滿意囉！唔該😒

假期期間, 起身時想食車仔面但老實講車仔面已買少見少之後靠OPENRICE大神, 先知咁近新寶城就有一間入到店內最低消費 1面3餸 $30有D餸貴1蚊最後叫左 牛腩魚蛋蘿白 配油面湯底真係有D淡, 叫左咖喱湯底, 叫到底嘗到少少咖喱味牛腩非常"UN", 咬好耐先咬得開魚蛋普通, 同市面一樣蘿白非常好食!! 非常入味!!幾十蚊食到車仔面本身已無怨言不過不失已經令我會再次光顧!