為食火鍋公司

Open Now

Now Closed

去開觀塘交收貨品，路過呢度，咁啱今日落雨天氣又凍返，不如就打邊爐啦，見到呢間店新又乾淨，價錢好抵食$368飲食咁多嘢，又可以滿足哂所有口味，超級超級抵食呀！！ 最重要係無限時，坐得舒服唔洗食到趕頭趕名。星期日唔係返工日子，冇諗過7點呢度都滿座。鍾意佢地嘅裝修，有意思，愛護動物「當我生病或老了也一樣好好照顧我，好嗎？」🐾餐前小食，我哋好鍾意個炸大腸，超級香口脆卜卜。飲品竟然有鴻福堂多款支裝飲品，真材實料無添加，好dum本。仲好快送上燉湯，正，啱晒我超鍾意飲湯嘅人。鷄煲好快上埋，好惹味，仲付上豬皮魷魚。職員服務好好，不停幫我地較個火大細。之後就係主角火鍋，叫咗多種類到要數：海鮮拼盤：蟶子，鮑魚，龍躉片，脆肉鯇，蠔，蜆，鮮蝦，白鱔片。牛拼盤：有稀有部位吊龍伴，熱門牛頸脊，封門柳，熊本雪芘一口牛，SRF和牛牛肩胛肉眼芯，SRF和牛三角肉。仲好好服務有標籤，等你知道邊款係乜。完全滿足哂乜都試嘅我。我鍾意佢卡位，下次可以同大班朋友再黎。