話佢隱世皆因它位於山林道商廈樓上鋪，就連商廈入口都要走入小巷才見到。起初我哋仲擔心會否伏伏地，殊不知打開門口，見到店內坐無虛席，頓時放心哂😮💨
餐廳店面不大，裝潢簡單，座位之間有少少逼。自助飲品、火鍋配料區就集中在一起。火鍋配料款式都算幾多同齊備，基本大路的都會有，仲有餃子雲吞、牛舌、陳皮魚蛋等。而甜品區則有雪糕、豆腐花、啫喱、木糠布甸等。
餐廳最近做緊快閃優惠，$268皇牌套餐/$298澳洲和牛套餐二人同行一人半價，今次我哋就選擇了最基本的「皇牌套餐」 。
先來日式雞煲，雞煲醬汁微微辣，越食越惹味。入面仲有紫薯同薯仔！入哂味😋
食完加湯就上蒸海鮮✨
只需要like and share以及留言，就可以免費食啦！有海蝦、蠔、鮑魚、帆立貝及帶子，加上金蒜一起蒸，蒸出來既鮮又香。
食完海鮮就可以去自助配料取配料打邊爐啦！店員會送上頂級牛小排、牛肩胛及豚肉。
單靠肉眼看就已經知道質素唔錯，牛小排油脂均勻；牛肩胛肉嫩牛味重；豚肉夠哂肉味。就算之後encore、依然保持水準。最後當然要食甜品做ending。
💭 以$268/位，無限時、又食盡雞煲、蒸海鮮及火鍋，而且食物質素又不錯，絕對抵食之選，三五知己傾計聚會就至啱！值得一讚，就是店員十分友善有禮貌。
