Video
Read full review
2022-09-21
9615 views
見到啲度有好多劣評，其實又唔係真係咁差啫😅今次我哋weekday試左佢嘅夜晚buffet，6點入座，食到9:30。全場大概6-7成滿，又唔算好多人，食物refill都快。我係衝著佢嘅生蠔同麵包蟹而來的，而啲兩樣都令我非常滿意。其次係佢嘅鴨肝都好好食。至於其他野都係一般般，整體而言未至於要劣評。法國生蠔👍🏻👍🏻👍🏻👍🏻👍🏻啲豪雖然唔係好大隻，但係佢夠鮮甜，而且啲肉都爽脆。最重要一點，係佢無限量供應，亦都冇限制每人每次拎幾多隻。我每次都一次過拎10隻，如果冇晒佢就會立即響廚房refill出嚟。前後我拎左三次，即係食咗30隻，其實都回左一大本啦。麵包蟹👍🏻👍🏻👍🏻👍🏻👍🏻啲麵包蟹都算大隻，最正嘅地方係佢隻隻都爆膏，啲膏勁鮮甜，而且最難得嘅地方係麵包蟹嘅蟹肉竟然係會有蟹味。可能你會話蟹當然有蟹味啦，但事實並非如此，因為絕大部份酒店buffet供應嘅麵包蟹，啲蟹肉都只係得雪藏味，係完全冇味你根本唔會想食，而今次嘅麵包蟹完全冇雪味的，而且仲鮮甜添。我前後食咗一隻半。亦都有版友話啲麵包蟹出咗半個鐘就唔再Refill，好在今晚冇呢個情況，我去到9:00都仲見到有麵包蟹供應，基本上佢一冇晒就會refil
今次我哋weekday試左佢嘅夜晚buffet，6點入座，食到9:30。全場大概6-7成滿，又唔算好多人，食物refill都快。
我係衝著佢嘅生蠔同麵包蟹而來的，而啲兩樣都令我非常滿意。其次係佢嘅鴨肝都好好食。至於其他野都係一般般，整體而言未至於要劣評。
法國生蠔👍🏻👍🏻👍🏻👍🏻👍🏻
啲豪雖然唔係好大隻，但係佢夠鮮甜，而且啲肉都爽脆。最重要一點，係佢無限量供應，亦都冇限制每人每次拎幾多隻。我每次都一次過拎10隻，如果冇晒佢就會立即響廚房refill出嚟。前後我拎左三次，即係食咗30隻，其實都回左一大本啦。
法國生蠔
305 views
0 likes
0 comments
法國生蠔
280 views
0 likes
0 comments
麵包蟹👍🏻👍🏻👍🏻👍🏻👍🏻
啲麵包蟹都算大隻，最正嘅地方係佢隻隻都爆膏，啲膏勁鮮甜，而且最難得嘅地方係麵包蟹嘅蟹肉竟然係會有蟹味。可能你會話蟹當然有蟹味啦，但事實並非如此，因為絕大部份酒店buffet供應嘅麵包蟹，啲蟹肉都只係得雪藏味，係完全冇味你根本唔會想食，而今次嘅麵包蟹完全冇雪味的，而且仲鮮甜添。我前後食咗一隻半。亦都有版友話啲麵包蟹出咗半個鐘就唔再Refill，好在今晚冇呢個情況，我去到9:00都仲見到有麵包蟹供應，基本上佢一冇晒就會refill，呢樣係抵讚嘅
爆膏麵包蟹
297 views
0 likes
0 comments
其實佢仲有好多其他海鮮，包括東風螺、翡翠螺、蝦、扇貝、小龍蝦、蜆、青口等等。我掛住食生蠔同麵包蟹其他嗰啲都冇乜機會試😅
海鮮
413 views
1 likes
0 comments
佢嘅熱葷都唔算少，味道就中規中矩。有樣奇怪嘅地方係佢會將啲海鮮變做熱葷然後又變多個菜，例如炒蟹佢會用麵包蟹嚟炒，清酒煮蜆佢用番海鮮嗰啲蜆同青口，豉油皇煎蝦佢又用冷盤嗰啲蝦，仲有焗蠔都係用返嗰啲法國生蠔，就變得太細隻了。
熱葷
255 views
0 likes
0 comments
和牛扒
240 views
0 likes
0 comments
日式區佢係比較冇睇頭，魚生種類少，壽司款式都好少，有個即叫即做嘅天婦羅，不過味道就一般，仲有冷麵都係一般。我連影都冇影😅😅
芝士同cold cut 都有唔少選擇，佢有一大張長枱全部用嚟放芝士同cold cut
coldcut 同芝士
202 views
0 likes
0 comments
冷盤方面我就冇乜點試，都係一般般唔係咁吸引。
冷盤
172 views
0 likes
0 comments
沙律
157 views
0 likes
0 comments
生果
149 views
0 likes
0 comments
甜品方面都係冇乜特別，中規中矩咁啦。
總括而言，如果你鍾意食生蠔同麵包蟹，你會覺得值，如果呢兩樣嘢或冷盤海鮮都唔係你嘅心頭好，而其他嘢都係一般水平就好似唔係咁抵了。
食物：❇️❇️❇️❇️
環境：❇️❇️❇️❇️❇️
服務：❇️❇️❇️❇️❇️
價錢：❇️❇️❇️
翻兜指數：❇️❇️❇️
Post
