米走雞Live

Open Now

Now Closed

入座之後店員會馬上遞上調味配料，共有6款任君選擇，我鐘意食蒜油所以加左勁多。黃金芝士雞煲(小)($178)，未煮熱之前見到好多芝士粒，好澎湃，加熱之後d芝士溶晒真係睇見都流口水，每件雞都比芝士完全包住，芝士味濃郁，雞件肉身都好嫩滑，份量亦都好多，食完之後都已經有八成飽。既然個胃仲有2成空位，亦都唔好浪費個煲，加d芝士湯底用黎再打邊爐。日本鮮帶子($118)，共有6隻，每隻都一開二，併返埋超大粒，色澤新鮮水潤，煮熟後size亦都冇乜點縮水。虎蝦($118)，共6隻，size差不多有個煲直徑咁長，煮熟後蝦身呈鮮橙色，肉質結實厚肉，啖啖肉好滿足。