巴依餐廳

Open Now

Now Closed

成間舖七成客都係講普通話😂 你唔信米芝芝外國口味都要信吓啲港飄，嚟巴依食羊無死錯人今次新試咗手抓羊肉，咪睇佢白雪雪好似無乜味咁。係類似清湯腩咁概念。羊肉食落又肥又香，有皮有骨位口感豐富。大推薦另外，羊肉串同手抓飯都係必食之選，全部係羊但唔同位又有唔同嘅食味。老虎菜沙律又辣又澀但基於唔可以無菜落肚，需要強烈譴責咁少青綠色嘅選項。大盤雞份量大，雞肉嫩。唔食羊嘅朋友都有得食反而期待已久嘅羊肉蒸餃就好麻麻。啲皮係薄但全部痴埋曬一齊隻隻夾親都爛都漏汁，而且啲肉質都幾鞋吓。雖然調味幾好都無得救啦服務態度依舊係零，今次遮遮仲同一個客鬧咗勁耐交🙈🙉 之後已經無人手到一個點，自已拎杯拎嘢飲基本嘢啦。啲客開始 self serve 到問隔離枱借開瓶器🤣🤣🤣 都好新嘅體驗嚟嘅溫提，都係記得一定要訂咗位先好去。