礼 (Closed)

鍾意IFC搵位食飯，因為好大機會walkin 都得，不過得返壽司bar，好彩bar檯都幾闊。燒牛脷，一般，下次都喺叫鐵板燒或者鹽燒會好D，不過材料是真新鮮。四點刺身，要360真喺算貴，如果擺盤可以再靚D或者我心裡會覺得balance D。Anyway，材料喺真贊，新鮮，豐厚，應該是日本直送，毫無長時間雪凍痕跡，值得一試，下次都會再叫呢樣。鐵板燒蠔，唔錯，不過驚喜不足，擺盤幾靚，我鐘意日本嘢嘅好大原因喺因為日本師傅真喺好重視事物賣相。鐵板燒牛肉厚切，有驚喜！最推薦！樣就靚，無嘢講，200g牛肉，7分熟，足分量，嫩滑，keep住牛味，好香好香，加上我最鐘意炸蒜瓣，今日有它已滿足！配菜都好靚，原本想食埋個麵包，點知侍者好快手收起。。。炸牛油忌廉餅點酸梅醬，好暖好creamy好充實，下次會再叫！天婦羅手打烏冬，好味道，烏冬勁道，湯汁鮮甜，天婦羅薄薄一層金黃表皮恰到好處，無奈店內冷氣太足，碗麵好快凍哂。