Video
Read full review
2017-12-24
5727 views
米芝蓮一星的胡同，之前在生日嘅時候同屋企人嚟過，評價都唔錯。適逢今次男朋友嘅屋企人嚟到香港，想一邊睇夜景有一邊享用晚餐，想起胡同這地方，可以滿足晒兩個選擇。因為星期六嘅關係，所以預約都有難度。最後喺八點鐘左右訂了晚上九點嘅枱，初時店員話可能需要坐喺另外一邊，望住九龍景。相對地冇咁吸引，但係冇位所以都接受。當時店員仲話海景位原來要每人最低消費＄500 ,所以心諗都係放棄了。最後上到去，竟然可以安排到我哋坐海景第二行，已經好驚喜。初時前面客人都未到，可以自由影相，男朋友嘅屋企人好開心。店內客人以外國人為主，所以餐單上都有英文。 同時見到唔少人都有飲酒，中菜加酒，所以好有特色。除咗有靚景之外，仲有美食。貴為米之蓮一星餐廳，小菜當然都有質素嘅保證。口水雞，雞已經撕開一條一條，而且加上花椒等等材料，入口麻香味十足，不會過分辣。 而下面仲加咗粉皮，吸晒雞同埋辣油嘅精華，好正！叫多碗飯先！蒜泥白肉，豬肉設成薄片，加上已經剁成泥嘅蒜蓉，除左好香之外，多左份惹味。干燒蓮藕唔知係咪加左孜然粉，入口好有熟悉嘅感覺。 十足之前食過嗰種乾煸四季豆一樣，加上蝦米及肉碎炒香口，蓮藕嘅爽脆好夾，好有獲氣！回鍋黑豚肉，
因為星期六嘅關係，所以預約都有難度。最後喺八點鐘左右訂了晚上九點嘅枱，初時店員話可能需要坐喺另外一邊，望住九龍景。相對地冇咁吸引，但係冇位所以都接受。當時店員仲話海景位原來要每人最低消費＄500 ,所以心諗都係放棄了。
最後上到去，竟然可以安排到我哋坐海景第二行，已經好驚喜。初時前面客人都未到，可以自由影相，男朋友嘅屋企人好開心。
店內客人以外國人為主，所以餐單上都有英文。 同時見到唔少人都有飲酒，中菜加酒，所以好有特色。
除咗有靚景之外，仲有美食。貴為米之蓮一星餐廳，小菜當然都有質素嘅保證。
口水雞，雞已經撕開一條一條，而且加上花椒等等材料，入口麻香味十足，不會過分辣。 而下面仲加咗粉皮，吸晒雞同埋辣油嘅精華，好正！叫多碗飯先！
蒜泥白肉，豬肉設成薄片，加上已經剁成泥嘅蒜蓉，除左好香之外，多左份惹味。
干燒蓮藕
唔知係咪加左孜然粉，入口好有熟悉嘅感覺。 十足之前食過嗰種乾煸四季豆一樣，加上蝦米及肉碎炒香口，蓮藕嘅爽脆好夾，好有獲氣！
回鍋黑豚肉，。呢個係男朋友屋企人最鍾意嘅一道菜。炒得好惹味，而且加上椰菜、豆腐乾、豚肉，炒香之後配飯一流！
臨離開嗰時，行咗去另外一邊望吓九龍景。確實相比之下九龍景真係冇咁吸引。
如果想保證可以坐到海景嘅位，最好真係早幾日打嚟預約會比較好。
Post
