吞POT 雞煲火鍋.住家菜 (Closed)

趁住周未同朋友嚟到旺角睇蛋黃哥，逛完見咁耐冇食雞煲就係OpenRice睇下附近有咩雞煲食啦。點知俾我見到吞Pot係OpenRice訂位，19:30前埋單有半價！所以我地就預約左17:30啦。一上到嚟就見到一大片落地玻璃窗！睇住夜景食雞煲一定好正！雖然仲差小小先到17:30（店家17:30先開始營業），但已經有唔少人係度等緊，經理見咁多人等緊就開始安排我地入座。可能知大家咁早上嚟係想要坐窗邊位睇夜景，經理好好人地將我地安排曬係窗邊既檯，而我同朋友好好彩地坐到最後一張有得睇景既檯。（窗台放左好可愛既雞仔！）落好單店員就將啲調味料拎嚟俾我地自己調配想要既醬料。我地叫左個辣酒花螺雞煲（半份），朋友唔太食得辣就叫左走辣，但雞煲依然十分惹味，雞肉好鮮嫩，醬汁香濃，正！店員好貼心地附上竹籤俾我地食花螺。食完雞煲當然要加啲配料打邊爐啦！我地叫左個牛柳粒，見到份量都唔少，而且脂肪分佈平均，食落好juicy🤤另外叫左個娃娃菜同西班牙黑豚豬腩片，啲豬腩片肥瘦度啱啱好，令人食到停唔到口🤤吞Pot啲食材好新鮮，座位好舒適闊落，仲有咁開揚既夜景睇，啱曬約埋朋友一齊嚟吞pot啊！