燒肉臻 (Closed)

今日同老公去食呢間日本燒肉，佢之前都同公司同事嚟食過，大讚水準一流，所以今日帶我嚟食好嘢喎！果然冇令人失望，特別係啲燒日本牛肉，真係超好味。我哋一次過叫咗好多款燒烤肉類，越食越起勁，最後捧住個肚離開。食燒烤，梗係要叫啤酒先夠過癮，呢度有不同款的生啤，當然仲有其他酒精飲品。特別要提嘅係佢有日本清酒放題。部機幾得意，但係我哋今次冇試。餐前小食叫了3款：甲羅燒、酒盜薯仔沙律，鱈魚干，3款都好食。跟著老公狂叫了勁多燒物。燒雞心，第一次食，呢種質感都幾鍾意，有少少爽口，又幾彈牙。燒豬肋條都唔錯，猛火燒走咗部份油，變得好爽口。再試伊比利亞梅頭，正！呢個幾特別，燒雞頸肉，肌肉幾嫩口。仲有伊比利亞豬腩片燒雞胸軟骨海鮮方面，就叫咗一隻魷魚同燒白鱔，燒白鱔好肥美。牛拼盤真係唔識講嘢，一個字：正！日本和牛油脂夠，入口甘香美味。呢一餐真係超豐富，食完真係勁滿足。