瀛豐放題料理專門店

女朋友生日唔知食乜好，放題就好，乜都有d ☺️$259就可以食到3小時 日式放題去邊度搵？必定要食加148升級套餐淨係食佢個生啤任飲同埋任食奄仔蟹已經回晒本！平時去街市食奄仔蟹都唔平，我今日真係要食盡佢！奄仔蟹真係必食蟹膏多到不得了，鮮味無窮，仲要係無限任食！真係抵到爛！真係唔明，一個人食咗六隻睇怕老細要蝕本喇😅😅海鮮拼盤首先係有兩盒魚子醬，海鮮加上魚子醬的海水天然味道將海鮮的鮮味提升好幾倍！海螺非常甜美，而且醬汁煮鮑魚亦都爽口鮮味！絕對是酒店級的質素並不是普通放題！簡直係大滿足！呢度啲刺身正常發揮，都算係好新鮮！海膽帶子一啲都唔腥！食得過！刺身必推三文魚腩同牡丹蝦，非常肥美，脂肪比例均勻其餘的食物，應有盡有，連椒鹽九肚魚都有！比較出色的是燒鰻魚同燒菠蘿，泰式燒帶子！加左$148仲有1668任飲，真係真正飲飽食醉食埋甜品雪糕就剛剛好9成半飽😂依間舖頭唯一嘅缺點就係食物種類太豐富而我卻是眼闊肚窄，仲有好多泰式菜想試，但係已經飽飽的，唯有留返下一次，相信我好快又會再幫襯😹