Video
Read full review
2025-07-29
452 views
Fine dining，最重要嘅，係氣氛。銅鑼灣嘅Bochord，號稱香港最強環境氣氛餐廳，再加上無敵景色，未食都先贏一半。Bochard本身就解作圖書館(舊式英文)，所以現場周圍都係好古典嘅圖書館環境，周圍都係影相打卡嘅地方。呢度嘅tasting menu每位$1388，但已經有晒full set，唔使左加右加，最多只係另外叫多杯嘢飲 (餐廳有提供清水)。Spanish Cuttlefish with Signature Daurenki Caviar西班牙墨魚配皇牌魚子醬 魚子醬有提供珍珠匙羹，鮮甜無比，而墨魚片醒胃辣度充足，建議先食魚子醬。前菜三合一Toro Sashimi、52°C Slow-cooked Scallop、Uni Tart拖羅刺身、52度慢煮帶子、海膽撻用上日本食材組成嘅前菜。慢煮帶子鮮甜無比，泡沫醬汁出色，海膽撻亦甚有水準，海膽味甚至超過蛋撻皮。Steamed Fresh Blue Crab 蒸新鮮藍蟹 兩食嘅藍蟹，另外有青蔥汁提供。無論係蟹肉本身定係釀喺蟹蓋入邊嘅拉麵，都係味道充足，好fine。Seafood Bisque 海鮮濃湯 用上唔同香料同
銅鑼灣嘅Bochord，號稱香港最強環境氣氛餐廳，再加上無敵景色，未食都先贏一半。Bochard本身就解作圖書館(舊式英文)，所以現場周圍都係好古典嘅圖書館環境，周圍都係影相打卡嘅地方。
呢度嘅tasting menu每位$1388，但已經有晒full set，唔使左加右加，最多只係另外叫多杯嘢飲 (餐廳有提供清水)。
Spanish Cuttlefish with Signature Daurenki Caviar
西班牙墨魚配皇牌魚子醬
魚子醬有提供珍珠匙羹，鮮甜無比，而墨魚片醒胃辣度充足，建議先食魚子醬。
前菜三合一
Toro Sashimi、52°C Slow-cooked Scallop、Uni Tart
拖羅刺身、52度慢煮帶子、海膽撻
用上日本食材組成嘅前菜。慢煮帶子鮮甜無比，泡沫醬汁出色，海膽撻亦甚有水準，海膽味甚至超過蛋撻皮。
Steamed Fresh Blue Crab
蒸新鮮藍蟹
兩食嘅藍蟹，另外有青蔥汁提供。無論係蟹肉本身定係釀喺蟹蓋入邊嘅拉麵，都係味道充足，好fine。
Seafood Bisque
海鮮濃湯
用上唔同香料同三文魚組成嘅海鮮濃湯，聞落去係會聞到花香(!?)，三文魚同其他海鮮嘅味道相得益彰。
36-month Iberico Ham with Truffle
36個月黑毛豬火腿配黑松露
全晚最香嘅菜式，冇辦法，用得黑松露就係絕招。估唔到配落西班牙火腿係咁好食。個蘑菇醬係故意做得甜少少，令個菜式多啲層次。
Charcoal-grilled Pacific Prawn
炭燒太平洋大蝦
先唔講咩”新鮮爽彈”呢啲廢話，呢隻來自西班牙嘅大蝦係我食過最大隻嘅蝦，沒有之一，炭燒過後好香之餘亦搽上蝦膏喺面。呢個菜式係有米芝蓮一星水平。
Australian M6 Wagyu Brisket
澳洲M6和牛腩
估唔到呢個澳洲和牛可以淋到呢個地步。但特別要提呢一個醬汁，叫多蜜醬(Demi-glace)，佢係略為偏濃有啲似朱古力醬嘅質感，同呢一個和牛零舍夾。
Sea Salt Caramel Chocolate Mousse Cake
海鹽焦糖朱古力慕絲蛋糕
我都唔講咁多，就係將所有同朱古力夾嘅食材同唔同口感嘅甜品擺晒落去，hazelnut、焦糖、拖肥通通唔少得，朱古力愛好者會相當興奮！
另外叫咗兩杯Cocktail，The Honey Thief ($128)、Five O’Clock Tea ($128)，各有特色，當中Tea係真係用茶壺斟出嚟，但飲落去就係伯爵茶同西柚嘅味道，幾特別。
我會定義呢度嘅菜式係French fusion (因為有sorbet間場😆)，不過其實食咩都好，呢度都一定係贏晒。因為個圖書館實在太誇張，景色太靚，氣氛太好 (有人演唱)，想點慶祝都一定開心。
Post
