Video
Read full review
2023-08-19
45 views
夢寐以求咗好耐嘅餐飲體驗✨，就喺喺尖沙咀半島酒店食飯，而今次就去咗呢間位於地庫B1層嘅日式餐廳——釧 @kushiro_peninsula 食Omakase🍣釧開咗大概2年，希望做到以Service為先，每道菜都會詳盡介紹，俾你知道自己食緊咩落肚🤓。主打Omakase同Fusion菜，壽司同刺身做法比較傳統，希望保留海產嘅原汁原味，堅持食物新鮮度同味道嘅配搭🐟，逢星期一至六每日都有飛機貨到店🛫；熱食同甜品方面就行fusion路線🍰，米芝蓮級師傅有法國、意大利、泰國菜等多國菜式嘅廚藝經驗，可以將每個國家最特色嘅一面呈現喺食客面前👨🍳，仲專誠請嚟負責甜品嘅師傅，配合埋唎酒師團隊提供最合適嘅Wine Pairing配搭🥂，務求令食客喺每道食物上面都得到滿足同驚喜🎉晚市有3個Omakase Set可以揀，今次我就叫咗有2款前菜、1品料理、10貫壽司，同卷物、湯同甜品各1樣嘅「汐SHIO」Dinner Set($1980)🥢✝️沖繩水雲帶有順滑口感嘅沖繩水雲喺一款海髮菜，當中加入夏天先有、口感好似啫喱嘅日本棉花種籽，配上燒香過嘅爽口北海道帶子同清甜靜岡縣番茄🍅，微酸帶甜順喉非常開胃，仲有輕輕花香
夢寐以求咗好耐嘅餐飲體驗✨，就喺喺尖沙咀半島酒店食飯，而今次就去咗呢間位於地庫B1層嘅日式餐廳——釧 @kushiro_peninsula 食Omakase🍣
釧開咗大概2年，希望做到以Service為先，每道菜都會詳盡介紹，俾你知道自己食緊咩落肚🤓。主打Omakase同Fusion菜，壽司同刺身做法比較傳統，希望保留海產嘅原汁原味，堅持食物新鮮度同味道嘅配搭🐟，逢星期一至六每日都有飛機貨到店🛫；熱食同甜品方面就行fusion路線🍰，米芝蓮級師傅有法國、意大利、泰國菜等多國菜式嘅廚藝經驗，可以將每個國家最特色嘅一面呈現喺食客面前👨🍳，仲專誠請嚟負責甜品嘅師傅，配合埋唎酒師團隊提供最合適嘅Wine Pairing配搭🥂，務求令食客喺每道食物上面都得到滿足同驚喜🎉
晚市有3個Omakase Set可以揀，今次我就叫咗有2款前菜、1品料理、10貫壽司，同卷物、湯同甜品各1樣嘅「汐SHIO」Dinner Set($1980)🥢
✝️沖繩水雲
帶有順滑口感嘅沖繩水雲喺一款海髮菜，當中加入夏天先有、口感好似啫喱嘅日本棉花種籽，配上燒香過嘅爽口北海道帶子同清甜靜岡縣番茄🍅，微酸帶甜順喉非常開胃，仲有輕輕花香🌸
✝️鹿兒島燒鰻魚
食過最好食嘅燒鰻魚🤤，經過無數次改良，整成呢個皮脆同半入口即溶嘅肉質口感，燒嘅時候軟化咗鰻魚魚骨，面頭掃咗一層甜甜哋嘅鰻魚醬，加埋辛香柚子芥末，有無啲似食緊乳豬呢🐷
壽司方面，米飯用咗山形縣嘅白米加赤醋整成，陣陣醋香減少咗魚生帶嚟嘅油膩感，仲令到壽司鮮香味提升⬆️。
1️⃣將日本三重縣魷魚薄切成一片片🦑，既保持原有煙韌口感，又唔會太厚而咬唔開，柚子鹽同青檸大大提升咗魷魚嘅鮮香🍋；
2️⃣結實彈牙嘅鹿兒島縣間八魚鮮而無魚腥味👍；
3️⃣北海道筋子喺時令美食，由夏季轉秋季先有，
筋膜包住飽滿爆汁嘅鮮魚籽，仲有陣陣柚子香去除腥味；
4️⃣&5️⃣再嚟嘅喺野生藍鰭吞拿魚嘅赤身同中拖羅🐟，前者用醬油醃漬過帶出鮮味，
後者油份較重魚油甘香十足😋，色澤紋理相當吸引
✝️日本宮城縣鰹魚
間場送上禾稈草煙燻焗鰹魚，陣陣煙燻香味難以抵擋😍，配上自製寶塔菜酢漬醬油，加上柚子酸汁同北海道粟米苗🌽，口感層次豐富提升🆙
食完鰹魚繼續送上壽司，壽司主廚Alex師傅嘅刀工巧妙精細🔪，
6️⃣富山灣縣嘅特產白蝦晶瑩剔透，有「白寶石」之稱，柔軟嘅口感配上竹炭鹽同青檸令蝦鮮味更加突出；
7️⃣之後有肥美肉嫩嘅鹿兒島縣深海池魚；
8️⃣黑鯥魚本身比較淡味，炙燒過可以將魚油逼出嚟🔥，食落更加香，煙煙韌韌嘅魚皮咬落口感過癮😬；
9️⃣鯖魚上面放上白板昆布，好似鋪上面紗咁，增加咗輕輕煙韌嘅口感，配搭埋薑蓉同蔥蓉，腥味完全癖走晒😗
✝️拖羅太卷
將赤身、中拖羅同炙燒咗嘅大拖羅放埋一齊，加上芝麻同爽口漬物包裹喺壽司飯同脆脆紫菜當中，一大啖放入口，一次過食到三款唔同部位嘅滋味，超級大滿足🤩
✝️法式野鴿清湯
用法式做法烤製野鴿🐦，再加入蔬菜去吊清，去除咗高湯嘅油份，飲落會比較清甜，仲帶嚟陣陣蔬菜清香🥬
✝️赤利尻海膽
最後第🔟款壽司喺嚟自市川赤利尻嘅頂級馬糞海膽，
喺日本三大標有「特等便簽」嘅最高級別海膽之一，每年只有6月去到8月先有得食，成排嘅鮮橙色飽滿海膽放上紫菜卷當中，每啖都充滿住鮮甜滑溜、入口即溶嘅口感，好幸福🥰
食完壽司，師傅送上自家製嘅玉子🥚，掌握好溫度同時間焗製成表面光滑、入口蛋香細膩嘅質感，口感與別不同
✝️豆腐福袋
將日本豆腐皮浸落鮮牛奶再炸香整成福袋🥛，當中倒入流心奶凍，加上唔會太甜嘅焦糖醬油，
用匙羹扑開脆脆嘅豆腐皮，連埋最底嘅黑白朱古力同杯芽一齊食就脆上加脆，陣陣牛奶同豆腐香喺我嘅至愛組合💕，值得一試
✝️真夏の桃染
賣相精緻嘅甜品唔難整，靚得嚟又好食先至喺真功夫😎。面頭嘅紗紙噴上食用玫瑰香水🌹，揭開神秘嘅面紗，見到自家製乳酪上面有薄荷同玫瑰啫喱做裝飾，中間喺用時令白桃整成嘅雪葩，底部仲有好多軟綿多汁而且甜度啱啱好嘅白鳳桃肉🍑，夏天食夠晒Fresh🌿
✝️黑芝麻朱古力
金箔粉令朱古力顯得特別高貴，咬開充滿黑芝麻香嘅外層，朱古力碎碎帶嚟香脆滋味，個人就覺得甜咗少少🤏，配埋店員換上嘅熱煎茶🍵，呢餐真喺令人意猶未盡😚
Post
