Fukumaru Teppanyaki Japanese Restaurant (Closed)

星期三例行公事。落荃灣吉之島買野🤣🤣
咁岩又想食日本料理。無意中見到呢間。見openrice評價幾高（雖然都中過唔少伏），決定試一試🤪🤪

一坐低，二話不說叫兩杯冰啤！啤一啤先😋
啤酒夠冰凍。泡泡冰夠綿夠冰凍。桃味香甜。岩哂女仔飲👍🏻👍🏻
生薑味與啤酒十分搭配。係一個好選擇！

夠冰度。泡泡冰夠綿夠凍

$56

明太子玉子燒
蛋香稍遜，明太子爆餡。鹹鹹香香。好適合作為佐酒小食👍🏻👍🏻👍🏻

明太子爆餡。蛋香略嫌稍遜。但都好好味😋

$78

六點盛合-甜蝦 帶子 三文魚 劍魚 另外兩個唔知咩魚🤣🤣
甜蝦 - 味道鮮甜。SIZE係好細隻果啲種類。
帶子 - 新鮮。不過口感同平時的有點不一樣。
三文魚 - 新鮮，厚切。魚味不算好突出
劍魚 - 新鮮。味道較淡
另外兩款魚都夠新鮮。味道可以。

魚生新鮮，味道較淡。

$288

鹽燒牛舌好好味👍🏻👍🏻👍🏻
厚切，夠juice，佐酒小食推介。

厚切，味濃，肉汁豐富😋

$68

大阪風唐揚炸雞
雞件大大件。外皮香脆。咬落執去又好juice，
唔會乾柴柴。附上的燒汁味道較重。個人覺得加檸檬汁食就已經好好味。

大大件。好juice！外皮香脆！唔會細細碎碎😋

$68

黃金蟹膏甲羅燒
蟹膏味濃，配脆包好好味。
唔知點解見到個殻出煙。啲蟹膏係冰冰凍凍咁。
個人喜歡就可以再熱小小。可能我唔識野🤪
但係都好好味既😋😋

蟹膏味道豐富。配脆法包十分搭配😋

$88

銀雪魚西京燒
份量幾足夠。汁太甜太濃。蓋過魚味。
外皮可以再燒乾身啲。宜家有點兒過份濕潤。唔太香口。

汁太甜。可以再燒乾身。會香口啲

$168

呢個冰啤種類牌係吸引我揀呢度既原因之一😂
今次上左香桃同生薑🍺🍺
下次會試菠蘿同蘋果🤪🤪

好多味道。仲有蘋果同蜜糖味

Highball 價錢合理

兩個人埋單$895。
價錢算係中上。其實都好飽。可以叫小個銀鱈魚。
呢個地方。岩啲想傾下計飲下啤酒。送下小食既朋友。一家大細又可能會唔夠飽。

1

人均$500。其實可以點小一個銀鱈魚。已經好飽🤪🤪