Video
Read full review
2007-01-08
26 views
天寒地凍一心同男友去青衣新星打9點特價邊爐,嘩去到嚇一跳多人到呢,等左幾個字都仲係叫緊d訂左位既,正係度盤算緊轉去邊度食打,男友d老友打梨話出梨一齊食,佢個fds住係土瓜灣,咁我即刻諗係呢度未試過,點知佢個fds話住係土瓜灣想試耐都未試過,因為次次都爆場,我地即刻飛的去度,可能已經10點既關係,岩岩好有一張檯,我地叫左個蕃茄豬骨花膠湯底,好足料,仲有雪花牛唔錯,d店員推介左我地食碟深海八爪魚$48,份量好小,不過都幾新鮮,另外叫左個薯仔墨魚丸,真係有d薯仔味好彈牙,仲有墨魚滑,九菜豬紅丸,鳳梨牛肉丸,黑椒豬肉丸全部都好特別手打的,跟住叫左個,脆肉鯇百花卷好脆,金菇牛肉卷就麻麻啦,份量好小,仲有個椒鹽豬心小籠包,呢個冇乜特別,酒浸辣蝦d蝦都幾大隻,不過浸唔浸酒都冇乜所謂啦,仲有蝦米釀大腸,呢個唔錯,腸好爽,最後叫左個太極四寶滑同西洋菜,個四寶滑我覺得同墨魚滑冇乜分別,我地7個人仲飲左8,9枝大啤,兩枝綠茶....,不過如果想食d平時打邊爐既野呢度就冇啦,我朋友想食枝竹都冇...總括梨講都幾好同埋抵食既..d侍應都幾好,好過去酒樓果d啦
Post