鬍鬚安火鍋菜館 (Closed)

終於可以約多兩個朋友仔食野啦！聞名以久既鬍鬚安，真係幾好食喎！懷舊傳統既火鍋店係香港已經唔易搵啦，店舖面積雖不大，但環境整潔，店員服務態度又好喎。佢地最出名係牛，A級手切肥牛既碟一放低，朋友們一陣就清晒lu，真係好鮮味！醉雞好滑喎；脆魚腩爽口肥美；蠔夠新鮮香蠔味；蝦成隻手掌咁大喎離晒譜！響鈴勁好食，成功令節食個朋友唔停咀🤣我就係咁飲胡椒豬肚湯底羅😂 掛住食好多野都冇咩影相呀！😭 而當日既鵝腸、黑柏葉同鱔魚片就一般水準。佢地自家製既菜肉餃、韮菜餃、炸醬餃、芋頭餃，唔食精緻澱粉既我都食唔停，好過份呀！😭但真係必食！🤣價錢亦公道，抵食！推介呢間店！

三眼四胃最愛打邊爐，土瓜灣就有一間評價好高既火鍋店。首先，平日去，都通常要等位，因為店舖細，座位吾多。衛生，可接受，店員服務都ok，但座位有d迫，同隔離枱太近。食材，真心讚，每次都會有吾同推介既海鮮，個聖子皇真心好味，好新鮮，爽，大隻，其他例如海蝦，甲殼類都好鮮同大隻。肥牛都幾靚，脂肪比例都吾錯，另外一個魚片頭都係低讚，熟食，剛整起，熱辣辣，而個湯底呢就係花甲鍋，好多花甲，湯底都非常新鮮，其他食材都吾錯，有鴨舌，非常入味。至於價錢……當然一分錢一分貨，問心吾係平，但係用心食材，老闆係有簡過既，都吾好同任食既比較，因為任食邊有咁大隻聖子呀

02.03.19「鬍鬚安」打邊邊唔好問我幾耐冇黎過呢到打邊爐，因為真係好耐喇！連老闆老闆娘都唔見左人，唔知係咪頂左比親戚做！♨️叫左個潮州蜆仔粉絲湯底，足料用埋豬骨黎煲。啲蜆鮮甜冇話有沙，但肉就唔係太大糕粒♨️通常去到好肚餓會叫個炸魚角食，但已經冇之前咁彈牙可口♨️象拔螃，鮮甜好味爽口（重點🈶人請食飯😆）成個人爽晒😝♨️必叫嘅牛肉鳯梨丸🍡真心仲係好味嘅♨️炸醬牛肉餃，特別！出面好少食到，味道很不錯！♨️手切肥牛，啖啖肉，入口軟又夠淋！好味好味♨️仲有肥牛金菇卷、鴨舌、釀豆卜、桶蠔等等都好味道！總括：係唔錯嘅，都冇話水準下滑得好快。但冇左老闆同老闆娘向舖，冇左個人情味道😌可能我地冇撞正佢落舖頭！

呢間位於土瓜灣嘅鬍鬚安係區內為數不多嘅打邊爐專門店，店入面有好多唔同嘅湯底俾人選擇，包括海鮮、牛骨、胡椒等等。秋意越來越濃，所以筆者就選擇胡椒牛肚作為湯底，除左主角嘅牛肚，仲有番茄加左係個湯入面，微辣嘅黑胡椒胡椒加埋煮到爛融融嘅番茄簡直係一絕配。筆者之後叫左美國牛肉片，切工唔算差，大部分都非常之薄，只有一兩塊零零舍舍厚，不過都無太大影響，薄牛肉片只需要淥幾秒就ok，再加埋辣椒豉油帶翻牛嘅鮮味同埋胡椒特有嘅香氣，令筆者忍唔住叫多牒！響鈴亦都係必食嘅打邊爐食品，建議可以係食肉之前落，令到個響鈴唔會吸收咁多肥油，當然如果你追求味道遠遠大於健康就唔洗理啦。另外呢度有唔同嘅釀豆卜，特別嘅包括蝦滑、鯪魚肉等等，款式多樣，味道都唔錯，值得一讚嘅係個餡料都比較多，食起上黎感覺會比較滿足。至於金菇肥牛卷就比較普通，而且份量唔多，同埋點完豉油就即刻俾豉油嘅鹹味蓋過左金菇嘅味道，但如果咩都唔點味道就會太寡。最後不得不提，呢度嘅片頭非常好食，係即叫即整，送到上檯面嘅時候仲係非常辣口，酥脆嘅外皮包住彈牙嘅口感，但係調味略顯有少少淡，所以筆者建議可以配埋豉油一齊食。

來了朋友推介的這間火鍋店，地方比較難找，裝修簡單，有點大排檔feel，湯底種類很頗多，配答幾特別。食物種類雖然只得兩頁的餐牌，但款式齊全，有些更有自家限定，如黑椒豬肚丸、芋頭臘味餃、炸醬餃。海鮮方面，最好請店員推介時令的，我們點了象拔蚌、聖子王和大蝦。蟶子和象拔蚌很新鮮，味道很鮮甜。大蝦比想像中大隻，夠厚肉，蝦膏很多。我們一行8人，埋單只是千六元，如果不介意坐圓櫈，實在抵食！最後點埋個麻醬擔擔麵，大滿足！

第一次認識這食店是朋友幫老闆個仔在舖外影結婚相 沒多久就有機會來打邊爐 這裡真是一大班朋友們聚餐好地方因為有朋友是食素的 就要了其中一個只有蕃茄粟米等的湯底的窩另一個窩則用來烚肉類和海鮮 大大隻的扇貝 帶子好鮮甜好好味 一個字 正連個殼也好靚好完整 很想洗乾淨拿回家😅 另外還有很多海鮮 吃到差不多尾聲時其中一位朋友說還未吃飽😵 於是就再點一份雲吞 等了一段時間還沒來 就看看 原來是即叫即包 飲品也很齊全地點雖然有點不便 但實在值得推介

想打邊爐，見呢間響屋企附近又無試過，即管試試。。試一次，無下次。openrice 介紹的資料已不update，自帶酒水要收$30，本來比$30無問題，可惜間舖又無冰又無冰桶就話要收$30。。我叫啤酒算數。。海鮮無乜好簡，話宜家係休魚期咁無計。。。打邊爐料又無乜好簡。。。想落單叫啲姐姐又無乜反應。。。唉！！！草草食完就算。。叫左醉雞鍋，肥牛，桶蠔，魚皮餃，啤酒。。埋單六百。。抵唔抵食自己衡量。。。。。😑

鬍鬚安係由我班同事介紹黎食，坊間的打邊爐好多，有好多都好有自己特色。但如果要講有返傳統港式火鍋加可以慢慢食加食到靚食材既，鬍鬚安真係一個好好既選擇！踏入火鍋季（香港其實成年都係），專程帶屋企黎試下e到既龍蝦火鍋！因為係book到既時間已經預訂埋龍蝦鍋，所以去到既時候佢好快就已經上到個煲黎。今次同屋企人所以人唔多，叫左個龍蝦鍋之後都唔敢叫好多野食，但跟據我的專業推介，我地就叫左臘味餃加炸醬餃、蟶子、擔擔面同牛頸脊！龍蝦湯底味道超鮮甜！但記得記得一定要快d食曬d龍蝦先！龍蝦好新鮮，非常鮮甜，肉質彈牙鮮甜！同埋推介可以係未落其他野既時候就飲左d湯先，可以試到佢既完汁完味！食完龍蝦，我地就落左d餃先，因為要要慢慢煮嘛～煮緊餃既途中，緊係要食下d牛頸脊啦，e到既牛肉厚度十足，件件牛肉都有雪花紋理，而且牛味一流，比係坊間其他打邊爐既薄片肥牛更多左一份口感！大推！食到咁上下，我地追加左老闆娘推介既雪蓮果！雪蓮果生既時候係燈燈地蝦肉色既，但熟左之後後而變左青青地色，爽甜無比！另外芋頭臘味餃配搭特別，冬天食超正，但佢個餃子皮真係有待改善，又厚又粉，令到佢e到既餃子扣曬分！蟶子就無咩驚喜，新鮮既海鮮都無咩

同一班朋友一齊最方便就係去打邊爐我地叩左兩個湯底, 花膠番茄豬肚湯同天生雪蓮蟹鍋, 湯底好有創意, 味道都唔錯值得推介既有:韭菜豬紅丸 - 第一次見, 賣相有D怪, 不過食菅又唔錯丫墨魚片 - 可打邊爐, 又可以當刺身食懵仔魚 - 味道鮮甜本地手切牛 - GoodA級牛 - 肉同油好BALANCE, 正鳳梨牛肉丸 - 好怪, 似菠蘿炒牛肉炸醬餃- 估唔到味道係OK嫁播雖然地方比較細同迫，但還算乾淨同冷氣好夠

Friday night又踏入秋冬mode，梗係去間好啲嘅火鍋店十十下啦～鬍鬚安係男友嘅至愛，雖然有少少格涉，但都無礙我地去大飽大餐嘅決心！散叫永遠都追唔上任食嘅價錢，但係食物質素就絕對係拋開任食火鍋店幾條街！今日叫醉雞鍋，一滾起，個陣花雕香味就飄晒出黎手切肥牛例牌話就話頸脊味濃腩位稔身，但呢碟頸脊一樣唔韌，厚薄適中，滾幾秒就食得，牛味一流呢個蟶子皇必嗌！咪睇佢咁大隻，滾兩滾已經食得，爽到不得了！不枉老細每日親自去街市揀貨，先有咁有保證同新鮮嘅食材！今日試左呢個貝，唔記得叫咩名，好似係“黃蛂”每隻都再切細片，伙記們叮囑我地唔好一次過落晒，要逐塊灼，味道同口感都似象拔蚌，不過太細塊唔夠過癮墨魚滑真係不得了～～～～～～～又係爽口彈牙到唔識形容！！！唔係講假唔係吹水唔係誇張！必試！薯仔墨魚丸＋潮式蝦丸薯仔墨丸係一款幾特別新穎嘅野食，滾起左啲薯仔會融入粒墨丸，你就發現原來啲丸溝左薯仔係入面可以咁好食！蝦丸即刻比下去，都好食，但無特別我地點菜個陣已經得番半份西洋菜，老闊好好人俾我地要半份好彩咋！兩個細食人差啲食唔晒啲野！鬍鬚安真係好值得一黎再黎！佢款式唔算多（想一餐飯食晒全世界嘅朋友唔好去），但

聽聞呢間野係土瓜灣出哂名好食，今日同班同事一行十人專程由大埔去到聚餐。叫左兩個㷛，其中一個蟹㷛，好足料，d蟹肉實得黎夠鮮甜，仲有奶白色嘅湯底，齋飲都好正，睇得出個老細好用心選料，出面食唔到咁好味。另外一個㷛係番茄瑤柱豬骨㷛，湯底係淆左好耐既豬骨㷛，一試難忘，唔係一般嘅味精湯底。打邊爐當然唔少得其他食材，特級肥牛，帶子，鮑魚，手打墨魚丸，QQ齋丸，手製雲吞等等，好多野揀，因為我哋個晚好多人，所以叫左好多款。特別係肥牛，雪花好平均咁分佈係每一塊牛肉上，入口即溶，牛味十足。食哂d餸之後，雖然好飽，但都係忍唔住叫埋多個手打麵，配住好香嘅芝麻醬，正…不時見到鬍鬚叔叔走出黎同d客人傾偈，真係滿足嘅一晚

鬍鬚安已光顧了很久,昨夜又太寒泠而又在附近工作,又擔心來到沒位子,所以未到六點已和同事進駐!!!我們坐下後己差不多爆滿了!!! 蕃茄咸菜花膠豬肚鍋: 例牌份量雖然不少, 但花膠未算腍身, 豬肚一定要留在中段才入味, 而蕃茄味就不太夠, 反而咸酸菜配上芹菜令湯底不過不失!!!手切肥牛: 有牛肉香味，又夠淋，同埋都幾大碟，保持水準'正'。大蝦: 新鮮, 肉質爽甜,不像雪藏貨,正!!班片: 有鮮魚味,証明新鮮切下!!東風螺片: 用大隻東風螺切片,爽口彈牙,正!!!墨魚丸,陳皮牛丸: 丸類就失色不少,牛丸吃不出陳皮味,墨魚丸不彈牙像四州產品炸醬餃: 有創意,同事覺得幾好,小辣,但不要滾大久,必散!!!墨魚滑: 墨魚滑加了很多的粉稀釋在其中, 鮮味和彈性每樣也欠奉雪花肥牛: 街市貨色,賣相嚇人, 雜亂的放上, 肉質韌實有渣, 作火鍋肥牛實在是浪費!! 各樣火鍋料價錢依舊是便宜的, 海鮮保持新鮮,但其他類別好像下降了!!!

早兩晚三條友口淡淡，朋友A話之前食過【鬍鬚安火鍋】，細細間，平平地，而更重要嘅，聽講林保怡都鍾意去食！真係？「係呀！成間舖都係佢d相」嘩！連【天與地】嘅鼓佬都鍾意，我地呢幾個「年少無知」嘅麻甩，當然唔執輸！鬍鬚安地方細細地，連埋後欄得十零張枱，睇樣算係家庭式經營，我地揀咗個酸菜豬骨花膠湯底，老實講，湯底又真係淡淡地，冇乜味！朋友話證明冇味精囉！超！咁用滾水打邊吖…笨！呢道選擇唔多，不過懶係多自家製作，咩炸醬餃、海鮮小籠包，又咩手打墨丸腳打蝦丸……不過打邊爐，主角始終都係牛肉，問伙記有咩推介，佢話想食肥d滑d嘅有腩位，想多d肉味嘅有頸脊，咁就兩樣都嚟個例牌啦！牛肉都算靠得住，但係講到其他所謂自家製作就……一般般啦！尤其是個炸醬餃，正一係一滾冚包散，放入去唔夠兩分鐘，即時皮肉分離，身首異處！真係慘不忍睹！食到一半諗住加嘢，問佢地有咩推介，伙記話大蜆同鮮鮑片，嘩！貴嘢喎！佢話都係四十零蚊份，咁抵！食完肚痾都抵啦！估唔到又幾新鮮喎！雖然細細份，但三個人食啱啱好！埋單五百八十幾，一人都唔使二百蚊，即時又加多幾分！

早兩個月試完，一直都想係openrice讚下鬍鬚安，只係自己懶，等到放假先寫~由於本人係邊爐愛好者，成日都有人介紹打邊爐好去處，多得土瓜灣極力推薦，我就同同事係決定由新界殺入北帝街。既然有心去食，當然係一早打去訂台啦，聽電話個阿哥 (莫非就係老闆？) 好親切好有禮貌，我都未幫襯就多謝前多謝後，唔係有人會甩底呀？由於三條友都係鄉里 =_=，所以去到九龍塘轉的士，好過搭小巴又要等又唔識落車。訂了7.15pm，去到門口已經有兩台，因為有預訂所以有張內堂靚台。好光猛，等我地睇真d野食~我地叫左豬骨湯底，好香濃 (有條友鍾意飲湯)！粟米好甜，豬骨上d肉夠焾夠入味，不錯不錯。三條人又要食又唔食得多，都係叫左正路配料，肥牛、時蔬、墨魚滑、牛筋丸、片頭、辣肉餃，既然新鮮海鮮口碑咁好，我地亦試左大蜆同蟶子，逐件/按比例計錢，少人食咁都幾好，食幾多叫幾多。大蜆同蟶子真係好鮮甜，有貨一定要試；肉餃就無咩特別，而且覺得個皮厚厚地；牛筋丸都係值得推介，feel到真係有手工咁，唔係一舊粉，好彈牙；我地叫左西洋菜，大家可能覺得菜有咩好講，但我想話佢d菜真係好鬆，一睇就知洗得好乾淨，唔係求其俾d梅菜，真係值得一讚！一

上一個吃評曾提過由於一時忘記訂位而與鬍鬚安叔叔擦身而過。相隔了一陣子，天氣又再轉冷，今趟不敢怠慢了，預先打個電話留個座，才是正路....看看餐牌，大部份的配料價錢都不太貴，叫多一點來試也不至於太肉痛。吃火鍋若只吃幾碟肥牛及一盤菜蔬便走人，哪又有甚麼趣味可言?....湯底由太座去揀選。挑了個鹹菜蕃茄花膠豬骨作材料的，頭啖湯喝起來味甚淡，不過這也是正常的 ---- 若味太濃的話，配料放進去灼之後才吃，味就顯得會被湯底來個喧賓奪主了。食到一半或尾段時候，當配料味道滲進湯裡，這樣喝才算有意思嘛....先灼些生蠔來增加湯底的鮮味吧。蠔本身還算飽滿鮮美的，將之弄得成四分三熟左右，進口更是鮮甜十足....同是海產類食物，花甲的水準就相差得太遠。肉是極度的瘦削，韌得尤如在吃擦膠，就算是放進湯內輕灼一會，結果仍是如此....選擇了最便宜的雪花肥牛例牌。價錢只是三四十塊，吃的自是機切出來的硬梆梆貨色。最後吃至滿嘴是渣，真讓人不爽...白鱔不是普通的切片上碟，肉中還卷夾有少量的陳皮及燈籠椒絲，頗見心機。鱔片本身也見爽甜，不錯....一大籃菜蔬當然是必備的。最愛吃西洋菜，貪其夠粗獷有咬口也。洗得夠乾淨是最重要