安利魚蛋粉麵

Open Now

Now Closed

安利真係由細食到大既麵店,自從搬走左之後就無一次食得到，次次都係見到條人龍就放棄，唔係就太夜去,結果就收左喇,今次就醒目喇，係朋友屋企訓完就去食早餐。雖然話係早餐，但估唔到已經有八、九成人係到,可能係假期喇。坐低就已經叫左佢地既招牌菜：切腩片頭撈粗，朋友就要左個坑腩米。一向覺得佢地落豉油夠重手得黎又唔會太濃,今次食撈粗麵唔算太鹹不過真係好好味。麵身依舊做得好爽，有咬口，加埋清湯,真係一流。切腩片頭，雖然係一般既魚片但魚片都係鮮甜，果然有水準。切腩炆得入味有夠林,唔錯。至於朋友個坑腩米,牛腩都係非常出色，入味之餘又夠林 ，湯底非常鮮甜，唔錯呀。整體黎講，安利都係無咩點變,湯底都係做得好好,不過可能多左人黎,變得有用少少味精。