Video
Read full review
2018-08-04
217 views
聽聞北角有間街坊雞煲同魚鍋，就約3個fds放工去食。7:30pm walk-in去到，見無乜人，都驚中伏，不過8點未夠就full house! 坐低無耐，老闆就問我哋想食雞煲定魚鍋，我哋呢班大食友兩樣都叫！雞煲叫咗小辣，配豆卜、冬菇、洋蔥一齊炒，夠晒惹味又唔會太咸，而且雞嘅份量好多，4個人食極都仲有，唔洗爭！酸菜龍躉魚煲，以酸菜、椰菜同芹菜一齊煮，魚肉食落鮮甜軟滑冇雪藏味，配埋個酸菜湯，酸酸地加埋胡椒嘅小小辣味，喺呢個炎熱嘅夏天，夠晒開胃！好味到我都唔記得自己食咗幾多碗啦！食到差唔多，老闆就提我哋轉火鍋，估唔到火鍋料都非常新鮮足料！睇食評一致好評嘅炸魚皮，大大塊魚皮炸到脆卜卜，浸2秒湯放入口味道啱啱好！憑呢張海蝦相就可以睇到老闆係幾咁細心，連蝦頭都幫你切走，食嗰陣就唔怕比蝦頭拮到啦！安格斯牛頸脊淨係睇個名都知係好嘢啦！雪花紋均勻咁散落牛頸脊，小小肥食落入口即溶，超級美味！仲有厚切午餐肉，手打彈牙鮮墨魚滑，細細塊易熟豬頸肉，新鮮溫室豆苗菜。不得不提餃類，雲吞入面有大大隻蝦，韮菜餃餡多皮薄，原來係老闆娘自己包㗎，唔怪得咁足料厚實啦！羊肉片陣濃濃嘅羊羶味真係回味無窮配埋老闆娘煲嘅竹庶茅根，下
雞煲叫咗小辣，配豆卜、冬菇、洋蔥一齊炒，夠晒惹味又唔會太咸，而且雞嘅份量好多，4個人食極都仲有，唔洗爭！
酸菜龍躉魚煲，以酸菜、椰菜同芹菜一齊煮，魚肉食落鮮甜軟滑冇雪藏味，配埋個酸菜湯，酸酸地加埋胡椒嘅小小辣味，喺呢個炎熱嘅夏天，夠晒開胃！好味到我都唔記得自己食咗幾多碗啦！
食到差唔多，老闆就提我哋轉火鍋，估唔到火鍋料都非常新鮮足料！
睇食評一致好評嘅炸魚皮，大大塊魚皮炸到脆卜卜，浸2秒湯放入口味道啱啱好！
憑呢張海蝦相就可以睇到老闆係幾咁細心，連蝦頭都幫你切走，食嗰陣就唔怕比蝦頭拮到啦！
安格斯牛頸脊淨係睇個名都知係好嘢啦！雪花紋均勻咁散落牛頸脊，小小肥食落入口即溶，超級美味！
仲有厚切午餐肉，手打彈牙鮮墨魚滑，細細塊易熟豬頸肉，新鮮溫室豆苗菜。
不得不提餃類，雲吞入面有大大隻蝦，韮菜餃餡多皮薄，原來係老闆娘自己包㗎，唔怪得咁足料厚實啦！
羊肉片陣濃濃嘅羊羶味真係回味無窮
配埋老闆娘煲嘅竹庶茅根，下火一流！
估唔到呢間隱世街坊飯店選料如此新鮮有heart，加上老闆老闆娘嘅熱情招待，溫情洋溢！全晚我最鍾意酸菜魚鍋，真係回味無窮，講起又想去食多次，下次要試埋小菜！
Post
