Video
Read full review
2018-07-21
518 views
由細到大都好喜歡食上海菜，不過依家香港d傳統上海菜館都所餘無幾。見呢間小店都幾多人幫襯，店名又有上海二字，就抱不訪一試既心態入內。叫左一碗酸辣湯，一客小籠包，煎餃同鹵水蛋豆腐。正宗既酸辣湯材料會有豆腐、木耳、香菇、胡蘿蔔、竹荀和豬肉，所有材料都切成絲。呢度只有豆腐粒，木耳絲及肉絲，肉絲好似柴咁，慶幸佢俾得少，唔係食到牙都痛，辣度ok, 酸度則不足。小籠包，皮厚肉無味，點小籠包既薑絲居然只有2條，醋又似溝左水，好唔掂！煎餃同食急凍水餃無分別，餡料無特別，無肉汁，就算煎左一邊既皮都腍既。鹵水蛋豆腐，蛋同豆腐一d都唔入味，兩樣野都唔似係放過入鹵水到煮。走時環顧四周，發現大部份食客都只係食豆漿同粢飯。可想而知，其實呢度根本唔係食上海野既地方！
見呢間小店都幾多人幫襯，店名又有上海二字，就抱不訪一試既心態入內。
叫左一碗酸辣湯，一客小籠包，煎餃同鹵水蛋豆腐。
正宗既酸辣湯材料會有豆腐、木耳、香菇、胡蘿蔔、竹荀和豬肉，所有材料都切成絲。呢度只有豆腐粒，木耳絲及肉絲，肉絲好似柴咁，慶幸佢俾得少，唔係食到牙都痛，辣度ok, 酸度則不足。
小籠包，皮厚肉無味，點小籠包既薑絲居然只有2條，醋又似溝左水，好唔掂！
煎餃同食急凍水餃無分別，餡料無特別，無肉汁，就算煎左一邊既皮都腍既。鹵水蛋豆腐，蛋同豆腐一d都唔入味，兩樣野都唔似係放過入鹵水到煮。
走時環顧四周，發現大部份食客都只係食豆漿同粢飯。可想而知，其實呢度根本唔係食上海野既地方！
Post
