上海真美豆漿大王

Open Now

Now Closed

舊式嘅上海粢飯店已經好多地方冇啦 。呢一間真係叫做由中學時代到而家幾十年屹立不倒 。嘢食都叫做中規，叫做食個回憶，但係水準都唔會話太差 。個人最鍾意就係食佢哋嘅粢飯同豆漿粢飯$20必食推介餡料豐富 中間油炸鬼仲係脆口嘅 。熱豆漿$10豆漿幼滑溫度夠熱 豆味香濃，唔鍾意甜嘅話，記得同店員講聲 。煎餃子$22韮菜餡料都係咁多餡料，叫做好抵食，不過如果可以整得脆啲嘅話更加好 。如果好想食傳統嘢，千祈唔好錯過，間舖頭喺馬路附近嘅 。舖位比較入，要行入少少先見到

香港天氣忽冷忽熱，今日無啦啦又凍返黎見識下呢度嘅熱豆漿粢飯，好早7點幾就到左，食嘅粢飯新鮮，油炸鬼仲脆（難得）可惜份量忽較細，$20可接受加埋熱辣辣豆漿，小甜，豆味唔算重我覺得呢個早餐不錯，會回頭

天气冻冻地，就想吃口热乎的。其实除新都城商场，临街都有好多食铺，今晚就来试下豆浆大王吧！夜晚都好多人排队，外卖同等堂食的队伍有点乱，一开始差点排错我招手唔该姐姐过来帮落单，怎知对面搭台的食客（她是比我后入座的）抢住说要一笼小笼包，搞到店员姐姐都混乱去，问我们是不是一起的…话说小笼包有啥可着急的，不是一直蒸着吗？？不理解…然后店员说应该是我先，先落了我的单，结果后面上粢饭给我的时候这位姐又想拿到她面前🌟热豆浆 10好大一碗，端上来很快表面就结了豆皮，不烫口，也不过分甜，但是豆味儿差少少🌟冻豆腐花 20夸夸这个糖，用勺子划过沙沙作响，非常细腻，豆腐花的话是属于厚实型的，不算嫩滑，属于另一种风味吧。🌟粢饭好吃好吃，油条和榨菜搭配得当，糯米的话口感上差点儿。无加一，现金or八达通付款，总的来说还是挺好的，还会再来试试其他菜，但我感觉已经挺香港化了，不太上海😂

好多年前已經去呢間上海菜食嘢 突然掛住佢地嘅粢飯同豆漿就去幫襯▪️粢飯$20必食推介🌟🌟🌟🌟🌟餡料豐富 中間油炸鬼香脆 肉鬆香口 飯粒軟硬適中唔會過份黏▪️熱豆漿$10豆漿幼滑溫度夠熱 豆味香濃 ▪️滷水蛋拼豆腐$33有2隻蛋 豆腐份量都好多 滷水味唔算特別濃但入味▪️煎餃子🥟$22韮菜餡料味道濃郁 如果表面再煎得更香脆就完美▪️炸豬扒上海麵$36豬扒新鮮炸起脆卜卜 炸衣唔厚 麵底彈牙唔係一舊粉👍🏼整體價錢實惠份量多 鋪位行得較入先見到路過寶琳的話值得一試👌🏼

天氣凍凍地，好想食下熱野於是乎就去食上海菜入到去，簡單的裝修店員好客氣，似乎做開街坊生意大部份客人都以中年為主客人食完就走，基本上唔使等位走完一批客，跟住又有另一批食客，生意好好今次叫咗一碗酸辣餃子湯麵好足料，好多豆腐，酸辣湯又唔會太鹹太辣酸酸地好開胃另外叫咗一碗熱豆漿，少甜好有豆味，好好飲$10一碗唔算貴呢度粢飯都好出名，不過太飽，下次有機會再試。

今日試咗上海真美豆漿大王嘅一人推介五香骨飯＋無糖熱豆漿，個五香骨飯有點兒乾爭爭同鞋颯颯，但係算係入味的，而且份量都幾多下，絕對夠兩個人食，無誇張，個無糖豆漿都好好飲。

平日嚟豆漿大王通常都係食豆漿同粢飯。今次試咗豆漿大王的酸辣湯雲吞，酸辣湯入面有好多豆腐，豬紅，豬皮等材料。份量十足，估唔到喺度嘅酸辣湯都做得好出色，酸辣餃子裏面有四粒餃子，可以揀韭菜或者白菜豬肉，今次我食咗韭菜，皮薄餡多好多，本來以為食完一碗酸辣湯餃子會唔夠飽，所以叫多咗一個炸銀絲卷，渣銀絲卷個皮好脆中間仲好軟腍腍，加埋煉奶非常好味，食完飽到上心口。酸辣雲吞（四隻） $44依家呢個價錢真係好難喺街度食到。

👨🏻‍🍳上海真美豆漿大王 (將軍澳)📍將軍澳貿業路8號新都城中心三期G樓G22號舖 「惹味秘滷肉碎拌麵😋」 👍🏻🍽️秘滷肉碎拌麵香蔥滷肉味🤤好惹味，吾會好咸👍🏻麵有煙韌感，好味😝 👍🏻🍽️煎釀豆腐好香口🤤外脆內軟 👍🏻🍽️炸饅頭正常美味😽 👍🏻🥤豆漿香滑，吾會「鞋」脷🙈 食得有D趕🙈阻住人地收工吾好意思🙈🙈🙏🏻不過快食都覺得好滋味😋 #上海真美豆漿大王 #上海菜 #香港美食 #香港美食推介 #christian #hkchristian #香港基督教 #基督教 #基督徒 #耶穌愛你 #jesusloveu #hkfoodie #likesforlike #like #likexlike #instalike #liketime #hkfood #hkfoodblogger

一個人的靚午已經食過幾次😘水準依舊一個人唔知食咩又唔太餓既呢到係個好選擇！😋⍥ 粢飯 ❙ $20 落單時可叫職員切半😌等左三五分鐘就有野食！粢飯夠熱 糯米睇落乾乾硬硬食落又ok唔會太難消化喎👍🏻油炸鬼少少脆啦😅肉鬆夠多 榨菜夠鹹料幾足 起碼有九成食到尾唔係淨係食飯🤣胃口唔大既 成條都夠飽 ⍥ 熱豆漿 ❙ $10 熱豆漿係碗上而且超～級～熱～仲可以走糖😍凍就走唔到糖啦～無糖顯得豆香更濃定價良心👍🏻質素又高服務：5/5價錢：5/5環境：4/5質素：4.5/5

工作關係所以來到平時不會到的將軍澳，作為粢飯控的我就順帶一試關注組也大推的上海真美豆漿大王既然為粢飯而來，就主打點一客粢飯$20即點即包，是最適合也最傳統的做法。粢飯大小剛好，一人份量。另外特意要求特製，要求了少飯所以來到的時候，果然是薄薄的糯米飯包著滿滿的餡料可是可能是下午茶時候到訪，她們的糯米飯應該已經一整天的洗禮，所以導致其糯米飯太乾，有欠煙韌口感，但糯米飯沒有糯米的臭味，而且還是粒粒分明。油炸鬼不會太油，保持香脆只有少少淋的位置，沒有韌的口感。肉鬆也算不少，酥鬆帶點甜味榨菜咸香，爽脆。整體味道溶合得很和諧。 不過還是新蒲岡的粢飯最出色，所有條件都無懈可擊，包括價錢。

有時候唔知晏就食咩，都會想黎新都城呢間小店食，簡簡單單又一餐❤️我地今次叫左1️⃣凍豆漿💰9豆漿有香濃豆味，但係唔知點解，我飲過幾次都有陣燶燶地嘅味🥲如果可以改善就更好2️⃣粢飯💰19粢飯即叫即包，裡面有好脆嘅油炸鬼、甜甜地嘅肉鬆、榨菜，加埋熱辣辣嘅糯米飯，好食❤️❤️❤️❤️，同男友一人一半就OK，留番肚食其他😌3️⃣炸銀絲卷💰20銀絲卷都係即叫即整，外面炸到好脆，裡面一絲絲咁撕落黎點煉奶食，好食😋4️⃣上海小籠包💰28小籠包係即叫即整，食曬所有野就差唔多上，每一粒都充滿肉汁，湯汁豐富，食嘅時候要小心，滿足到想食小籠包嘅慾望😙5️⃣酸辣淨雲吞💰38男友想試下，於是叫黎食，味道酸辣易入口，夏天食開胃，酸辣湯有好多材料，包括豬皮、豬紅、木耳絲、豆腐、荀絲同蛋絲。雲吞全部都好大粒，係白菜🥬豬肉餡，粒粒餡料飽滿，兩個人分享一碗都好夠食🥰🥰消費價錢：2人💰123，人均💰61.5結論：（10分為滿分）味道：7/10性價比：10/10回頭指數：7/10餐廳名稱：上海真美豆漿大王餐廳地址：將軍澳貿業路8號新都城中心三期G樓G22號舖

星期日一早起身唔知食咩好，突然醒起之前ig page話寶琳人極力推介嘅豆漿粢飯舖，就專程過嚟試吓。地點都叫近地鐵站同商場附近，所以即使大熱天時都唔難走去食。我同男朋友11點左右到，唔算好多人，舖頭一睇就係傳統豆漿粢飯舖嘅格局。我哋叫咗一個咸栥飯+兩碗熱豆漿。咸栥飯個size比我想像中細，糯米飯只係薄薄一層(本人係澱粉愛好者)，同埋食落有啲散，冇乜煙韌feel；肉鬆唔知點解帶少少甜味，榨菜切到細細粒味道唔會太搶，而重點油炸鬼係超脆，值得加分！整體黎講唔算太驚喜，$20係少貴，如果你要多肉鬆多炸菜之類嘅特別要求係要+$2至$3。而我哋兩個養身之鬼就嗌咗熱豆漿，味道係重豆味，口感係薄嘅質地，好易入口，唔覺唔覺會飲哂。嗌完之後先聽到隔籬枱嗌無糖，原來豆漿本身無糖，甜味係店員’bug’咗一羹砂糖落去先有，雖然豆漿最後唔算好甜，但為咗健康我會嗌無糖😂😂😂😂而家有得食粢飯嘅小店買少見少，係需要好好珍惜。如果住附近，依間係唔錯嘅平民食店，但如果特登過嚟就唔需要喇🙌🏻

好耐冇去上海真美豆漿大王食飯。叫咗一個粢飯和上海淨雲吞。秶飯仍然保持到一定的水平,足料又熱辣辣,粢飯裡的炸菜和肉鬆分佈平均,油條也十分鬆脆,菜肉雲吞皮薄而滑，好味，感覺大滿足,都係58元。

好味嘅鹹粢飯，裏面嘅油炸鬼食嘅時候仲係脆，唔會淋哂或硬哂，更唔會散發一股油溢味👍🏻糯米、肉鬆、鹹酸菜、油條比例啱啱好。我哋一共三個人，問姐姐可唔可以幫分三份，姐姐都冇問題。🥳👍🏻

第一次飲鹹豆漿😍裏面有油條、舊花，都幾得意，朋友推薦加少少豉油一齊飲，真係有更加好飲！口感更順，減少浸左油條後嘅油膩感～仲嗌左凍嘅甜豆漿，飲得出大豆味！😍😋