Video
Read full review
2012-02-07
10 views
朋友極力介紹大喜屋..決定一試 食過好多間 放題, 都未搵到間令我十分滿意.好彩大喜屋都無令我失望, 以 200幾蚊既放題黎講真係幾好, 無粗制濫做睇左食評同朋友叮囑要早d book 定位, 最後早左 2星期book 20:45-22:45 哩個時段. 2位.當日 20:25已到達樓下. lift 口已經人山人海, 之後陸續有好多人排隊. 超誇張 上到去5樓, 有d人已經排到去后樓梯 @@ 20:45 準時開始放人入去, 我排頭幾個所以好快有位.入面好大好多位, 不過D位比較迫. 坐低即刻極速寫野食, 果陣時得好少人坐低左..拿拿臨比張order form 比waiter 哈哈. 汔水任飲. GOOD 不過見到雪糕要加 $5先可以食 好奇怪囉覺得. 仲要得雀巢 ( 由於太肚餓掛住食, 無乜點影相 )10分鐘唔洗. 刺身就來了. 賣相幾好刺身做得比較出色. 三文魚, 希靈魚, 吞拿魚同油甘魚都幾好, 好大舊, 好新鮮反而甜蝦同象拔蚌就麻麻地. 壽司好一般!! 唔值得一試 點左幾款火炙系列. 一d 都唔覺得火炙 唔好食!!! 另外帶子壽司又細舊海鰻乾得濟.熟食款式選擇比較少
食過好多間 放題, 都未搵到間令我十分滿意.
好彩大喜屋都無令我失望, 以 200幾蚊既放題黎講真係幾好, 無粗制濫做
睇左食評同朋友叮囑要早d book 定位, 最後早左 2星期book 20:45-22:45 哩個時段. 2位.
當日 20:25已到達樓下. lift 口已經人山人海, 之後陸續有好多人排隊. 超誇張
上到去5樓, 有d人已經排到去后樓梯 @@
20:45 準時開始放人入去, 我排頭幾個所以好快有位.
入面好大好多位, 不過D位比較迫.
坐低即刻極速寫野食, 果陣時得好少人坐低左..拿拿臨比張order form 比waiter 哈哈.
汔水任飲. GOOD 不過見到雪糕要加 $5先可以食 好奇怪囉覺得. 仲要得雀巢
( 由於太肚餓掛住食, 無乜點影相 )10分鐘唔洗. 刺身就來了. 賣相幾好
刺身做得比較出色. 三文魚, 希靈魚, 吞拿魚同油甘魚都幾好, 好大舊, 好新鮮
反而甜蝦同象拔蚌就麻麻地.
壽司好一般!! 唔值得一試
點左幾款火炙系列. 一d 都唔覺得火炙 唔好食!!! 另外帶子壽司又細舊
海鰻乾得濟.
熟食款式選擇比較少, 無其他放題咁多
焗廣島蠔幾正 值得一試! 夠味, enocre左一次
燒羊鞍幾正! 誠意之作! 無乜羊"蘇"味. d肉都唔"un" 又係encore左一次
見到好多人讚*芝士年糕*好食, 果然名不虛傳. 唔油, 夠熱, D芝士味好濃郁.
開頭以為會好"漏", 點知都唔會禾.
又係 encore左一次 haha 一定要試!
鹽燒海蝦, 鹽燒雞翼做得比較差, 唔好食.
黑椒牛柳粒同炒雞腎都麻麻地........炒得唔夠香口
吉烈墨魚餅. 同吉烈蠔, 咬落去都唔知自己食緊乜. 無乜味道.
雞軟骨唔掂, 好油, 又無咬口. 好難食!
反而天婦羅蝦真係做得幾出色, 唔油, 唔似出面果d 油淋淋, 同埋炸得岩岩好
另外 蟹粥都值得一試. 有半隻細細地既蟹係入面. good
本來想試埋芝麻雞翼. 但stock out -____-
總結:
d 野食黎得都幾快, 又無漏單, 寫幾多就黎幾多.
剌身做得幾好, 但熟食款式比較少,
d waiter 做到無乜表情, 但收野都幾快手.
唔會hea曬係度都唔理.
但佢地就比較浪費食物喇... 話說黎多左 1 碟黑椒牛柳粒, 同佢講多左.
佢就跟手將碟野食同其他岩岩收既碟疊埋一齊, 放落個大盤度.
之後又黎多左 1 碟野食, 我自己梗食埋佢, 廢事又比佢掉走咁浪費 @@
Other Info. :
寫幾多, 就黎幾多, 有多無少, 千其唔好寫太多
話說我隔離坐左 [b] 5 [/b]個男仔,
唔知佢地係咪肚餓得濟, 定抑或覺得D 食物會黎唔足,
佢地每樣野都寫左好多, 串燒每款叫左 10串 @@
之後成枱都係野食, 10串腸, 10串牛舌 etc D食物 不停咁黎, 羊鞍又黎左好多舊,
佢地：『下? 又黎? 唔係掛.....』
佢地係咁笑, 食到個個都呆呆地, 哈哈哈.
見到佢地個無奈樣, 我同我男朋友係咁偷笑 XD
之後又聽到佢地一路笑一路講：『死啦，仲有好多野食未黎. 』
後尾要叫waiter cut 單.
笑死我 xD
(The above review is the personal opinion of a user which does not represent OpenRice's point of view.)
Post
