祥仔 (K11 Art Mall)

Open Now

Now Closed

本來想去食Slow Cow，但係今晚有private gathering，所以冇開放俾公眾，唯有搵其他餐廳，最後去咗食祥仔。南瓜湯好滑好香濃，非常好飲。巨型吉列魚柳滑蛋飯配青咖喱汁，名副其實塊吉列魚柳真係超級無敵大，炸粉唔算厚，外層炸得好脆口，而裏面嘅魚仲好滑，一啲都冇炸過龍，青咖喱汁香得來唔太辣，配埋啲白飯啱啱好。泰式大蝦煎蛋辣肉碎飯，辣椒都幾多，適合鍾意食辣嘅人，最抵死係可以揀免費加多一隻煎蛋，非常食客友善！

K11依個商場，我都行咗好多次。不過都係買吓嘢好少喺度搵嘢食。晚餐嘅時間見到依間餐廳嘅鐵板餐好吸引，門口仲有大廚張錦祥嘅宣傳，睇返個餐牌都好多嘢食選擇。我同朋友就決定喺度一人一個餐解決個晚餐。我就要咗澳洲西冷牛扒，黑椒汁係店員幫手淋，咁就唔怕會彈到自己。黑椒汁同埋西冷牛扒真係好夾，西冷牛扒好嫩，餐湯就升級咗做兩日兩夜羅宋湯，加$3就有咁足料嘅羅宋湯真係唔錯👍🏻餐飲我就揀咗雪糕紅豆冰，經典嘅感覺。朋友嗰個係芝士煙肉長通粉與溫泉蛋，呢個長通心粉真係好有驚喜，佢有啲卡邦尼嘅感覺，芝士奶油嘅香味，再加上煙肉鹹鹹香香真係好惹味，將溫泉蛋篤開，流心嘅蛋黃液，再配埋通心粉一齊食，好吸引。如果唔轉餐湯就係是日餐湯，當日嘅餐湯係蘑菇湯，其實都好高質素。朋友嘅餐飲就係菠蘿冰，佢話夏天就需要一杯菠蘿冰消暑。😂

經過K11見到有間Ricky San開的餐廳常常看電視飲食節目都會見到他出現 即管試試名廚開的餐廳味道如何晚餐點了主餐都會附送是日餐湯黑松露蘑菇湯味道頗為濃郁 可惜來得有點晚 羅宋湯已經賣完了看圖片好多材料好豐富 下次要試試鴛鴦叉燒煎蛋飯是店內招牌排行榜第一名 鴛鴦叉燒有梅頭和豬腩兩個部位一款肉質比較嫩滑 豬腩部分就比較油香加上半熟流心蛋和甜醬油 確實不錯鐵板澳洲西冷牛扒在滾燙的鐵板上淋上黑椒醬汁 好香好誘人呀西冷扒好厚 吃起來肉質蠻嫩的配了大量薯菜還有一大碗飯 份量大到吃不完自家製葡撻可以優惠價加配 這個真的好好吃酥皮好鬆脆 蛋的部分好嫩不太甜 必吃推介菠蘿冰和檸檬茶都好好喝 鴛鴦檸檬令香味更有層次

🐟巨型吉列魚柳滑蛋飯配青咖喱汁六款招牌排行榜推介，食咗巨型吉列魚柳滑蛋飯配青咖喱汁！原條魚柳份量大，外層麵包糠及脆漿糊香脆可口，魚柳厚肉滑口，無腥味。主要配味要沾上青咖喱汁，BB辣，非常椰香，惹味之餘同炸魚好夾。另外仲配有4.3牛乳滑蛋，份量可以升級增量，滑蛋顏色金黃，蛋香又嫩滑。🥩 澳洲西冷牛扒黑椒汁鐵板系列都有五款，點了澳洲西冷牛扒黑椒汁，自助點餐無得選擇牛扒幾成熟，不過應該預設了五成熟，容易切開，肉質及色澤粉嫩，配菜都相當足料，放滿了鐵板，另外可以選擇配薯菜或飯。🥣套餐都有餐湯及餐飲，份量足所以提升性價比，而且環境，服務都非常好，食物係要等待，由大㕑張錦祥Ricky打理做生招牌。

其實👧🏻一直都好鐘意睇張錦祥Ricky師傅既教煮餸片，今次終於搵到機會去佢開既餐廳試下！位於K11既祥仔定位算係Fusion西菜，比起出面食既鼓油法蘭西西餐更精緻。雖然以港底西餐嚟講定價唔算低，但一分錢一分貨，咁岩經過附近值得一試。🌟重量級雜扒配燒汁雜扒餐有齊澳洲牛柳、蒜香雞扒、太陽蛋同芝士煙豬肉腸。雖然冇得揀生熟程度，但牛柳煮得剛剛好大概五成熟，夠晒厚身（估計有一吋厚），富有肉香又淋，絕對有驚喜。煎雞扒既雞肉厚度平均，一切開肉汁湧出嚟就知有幾Juicy！配埋燒汁好匹配！而配菜就可以揀薯菜/飯，👧🏻揀嘅薯角外脆內綿滑。🌟巨型吉列魚柳滑蛋飯配青咖喱汁話明巨型吉列魚柳，魚柳果然長過👧🏻既手掌🤣，唔太油膩，魚質幼滑冇腥味。而青咖喱汁就比預期中惹味同辣，撈飯一流！🌟蘑菇湯//兩日兩夜羅宋湯是日餐湯係蘑菇湯，入口有細細粒磨菇碎🍄，加上少量黑椒調味。而令👧🏻印象深刻嘅就係Ricky師傅喺YouTube都有介紹過點煮嘅羅宋湯（睇完都係覺得出去餐廳飲好過🤣）！蕃茄味相當濃郁，同時亦都食飲到各種蔬果嘅果香，最特別係配檸檬葉牛油，令到羅宋湯層次非常豐富，更清新！絕對值得加$3轉飲羅宋湯！🌟檸檬兄弟之茶館冒

有時想食吓港式茶餐廳野食，但又想啲環境好少少嘅，好推介可以去K11間祥仔，本身喺餐廳門口見到有大電視機影住大廚張錦祥Ricky Sir介紹，先知道原來係佢主理嘅餐廳，食物水準一定有保證，晚飯時間超多客人，到我哋臨走先唔使等位，入面坐得舒服之餘，套餐亦都包埋餐湯同飲品，性價比高。我同朋友喺招牌排行榜同埋鐵板系列入邊各選一款。〈澳洲西冷牛扒配燒汁〉🥩牛扒預設嘅熟度煎得啱啱好，唔會過熟或者過生，保持到肉質嫩滑嘅同時亦都有好濃嘅牛味。薯菜份量亦都好有誠意，有洋蔥、薯條、西蘭花、椰菜花、蕃茄仔同粟米。〈鴛鴦叉燒煎蛋飯〉🐷🍳🍚果然係餐廳招牌，叉燒分咗兩款，包括有肉質嫩滑梅頭同油脂豐富五花腩，一次過食晒兩款嘅唔同叉燒品種，而且仲要係燶邊叉燒，再配埋蔥油同煎蛋，係超高水準嘅叉燒煎蛋飯。〈鹹檸七梳打〉 🍸〈黑牛〉🍫🍨杯梳打唔會落糖水，啱晒健康人士。而想邪惡嘅梗係要嗌黑牛，朱古力雪糕再配上可樂，好多餐廳而家都冇得飲㗎啦。

平時lunch有時都會去祥仔辣辣食lunch覺得質素都幾好，知道同一個集團有西餐，今日經過K11見到大廚張錦祥張相就諗住試一試佢🤪入面簡單裝修夠光猛寬敞❤️-套餐包括有埋餐湯同飲品餐湯蘑菇湯好多蘑菇🍄‍🟫💗-澳洲西冷牛扒🥩黑椒汁 $198冇諗過佢哋嘅西冷牛扒質素都幾唔錯大概五六成熟左右熟度真係啱啱好仲好多好多肉汁肉質有少少咬口又唔會起渣👍🏻切到細細嚿咁食好滋味非常之香肉味😝黑椒汁味道調得啱啱好食得出質素薯條大大條無論配合蕃茄醬或者黑椒汁都唔錯配埋蕃茄粟米仲有少少菜整體好滿意👍🏻-牛油果柚子藜麥鮮果沙律 $128另外一個餐就健康少少特別要求咗想牛油果轉其他生果店員好好幫我轉左除咗有啲沙律菜之外仲有菠蘿、柚子、紅菜頭、哈密瓜、蕃茄仔酸酸地好開胃🤤-咸青檸梳打 $14鹹青檸大大粒☺️-新鮮菠蘿冰 $28超多菠蘿好解渴😉

祥仔Ricky’s Kitchen 今日放假經過K11見到門口廣告先知原來由經驗名廚Ricky 主理即刻入咗去試吓。坐低睇吓menu 招牌排行榜同鐵板系列都好吸引。兩款系列都配是日餐湯及咖啡/茶。我哋叫咗兩款餐各一個仲加$3升級左兩日兩夜羅宋湯個湯好好味加$3絕對值得升級。美國安格斯牛柳粒配秘製黑椒汁 意粉牛柳粒肉嫩稔口，牛味香濃，意粉配上秘製黑椒汁好惹味。澳洲西冷牛扒•黑椒汁西冷牛扒厚身牛味濃肉質鮮嫩多汁。餐飲叫咗凍檸茶同雪糕紅豆冰

經過K11見到樓下開咗間祥仔，一直都知大廚張錦祥嘅大名，所以就行咗入嚟試下。澳洲西冷牛扒🥩 $198嗌咗黑椒汁、七分熟嘅西冷，上嘅時候仲熱辣辣沸騰緊，配菜就有粟米🌽薯條🍟西蘭花🥦番茄🍅，牛扒煎的啱啱好，好多肉汁脆脆豬扒飯🍚 $138勁厚一塊吉列豬扒，炸的好有鍋氣。配菜望落去都好有食慾，煎過嘅菠蘿圈菠蘿，鮮茄醬。為之瘋狂菠蘿冰🍍跟餐$28有好多菠蘿粒，蘇打水溝上酸酸甜甜的菠蘿汁，解暑又解渴😋黑牛🥤跟餐$14最經典嘅黑牛，黑朱古力雪糕再加上冰可樂🧊冰冰涼涼非常解暑staff服務態度好，上菜都好快，😋果然係大廚推薦👨🏻‍🍳

尖沙咀祥仔冰室位於尖沙咀K11 地點何其方便😍以其懷舊裝潢同傳統港式茶餐廳菜式聞名🌟冰室提供各種經典港式美食 奶茶🧋菠蘿包🥯燒臘飯🍚炒麵等走唔甩❤️==============================𝐅𝐨𝐨𝐝 𝐋𝐢𝐬𝐭📌🥩澳洲西冷牛扒配黑椒汁 神燈黑椒汁簡直係濃厚既港式茶餐廳文化😍🐷爆脆豬扒傳說 招牌菜式之一🥰豬扒表面炸得酥脆 口感香脆 肉質嫩滑🤩加埋菠蘿同蕃茄醬 酸酸地咁樣食又幾開胃減低咗炸豬扒嘅油膩👍🏻餐飲蕎麥凍檸茶同埋凍咖啡簡直係滿足港式餐廳嘅慾望😍 環境同食物質素相當優質既餐廳🥰梗係要介紹一下👏🏻 💁🏻‍♀️

由荔枝角店開始幫襯記得杯茶走用玻璃杯裝住飲埋嗰三日三夜羅宋湯真係好好食 印象深刻 當時成日都幫襯可惜生意難做 而家得返一間分店 咁啱行過尖沙咀K11, 就8pm 晚市幫襯未入去之前都見到評價話差咗起初都唔信 點知係真嘅 今晚食個新出嘅叉燒蛋飯期待啲叉燒梅頭點出色點好食點知成碗由叉燒、飯、蔥 連隻煎蛋！都係常溫偏凍 一d冇熱氣埋單$108 未加一其實覺得好可惜 因為除咗碗飯，個羅宋湯同埋杯茶走 都明顯差咗應該冇下次👋希望佢有心做返以前嗰個水準

由TST地鐵行入K11, 見到li間開左好耐嘅餐廳就係祥仔, 門口同餐廳入面都見到間唔史喺電視都會亮相飲食節目嘅大廚Ricky Sir廣告牌, 就吸引左我屋企人話去li度食晚餐😂😂.🍴鴛鴦叉燒煎蛋飯Menu有多款中, 西式美食, 習慣睇圖嗌嘢食嘅我梗係睇店家嘅招牌排行榜: no.1 鴛鴦叉燒煎蛋飯. 一邊係肉質嫩滑嘅梅頭肉, 啖啖肉, 每一塊叉燒邊都有閃令令又濃稠嘅醬, 我鐘意師傅每塊叉燒都厚切! 另一邊係滿佈油脂嘅五花腩; 好juicy亦唔使用力咬, 係高質嘅叉燒👍🏻. 推介li個no.1!🍴澳洲西冷牛扒另外食左鐵板系列嘅西冷牛扒, 脂肪量有返一定級數份量, 喺鐵板上jaja聲嘅西冷牛勁易切開無乜筋, 肉質非常細膩, 值得一讚係牛扒🥩勁厚身, 唔會太生唔會過熟, 都見到有幾枱人同我食一樣😌. 🥄兩日兩夜羅宋湯隨餐送餐湯同飲品好抵食, 加3蚊upgrade煲左48小時嘅羅宋湯會唔會太吸引🤩？濃稠度適中, 味道豐富, 湯料又多完全唔hea架. 今日送嘅餐湯係南瓜湯, 原個南瓜打成夠哂濃好味道.🧋港式奶茶甜度茶味都啱我心水.

走到尖沙咀訂蛋糕…突然看到餐廳門外有名廚 Ricky Sir 張錦祥的照片, 那怎能不試試呢! 餐廳內坐位寬闊, 滿滿的綠植及不同立體腦圖案裝飾牆身, 及利用光線折射, 太空感滿滿! 這裡有鐵板餐, 還真用鐵板上桌, 選了澳洲西冷牛扒配燒汁, 還附送是日餐湯及飲品!肉味香濃, 油花雖不算多, 但分佈平均, 肉質緊緻嫩滑有彈性, 口感豐潤! 配菜有香脆薯條、蕃茄及蔬菜等, 很豐富! 最重要是配有一份白飯, 男仕吃絶對也大滿足! 脆脆豬扒飯 ~ 用上 1” 特厚巨型美國豬扒, 即叫即炸, 外皮超級超級香脆, 這麼厚的豬扒熟度剛剛好, 一口下去肉汁爆滿, 肉質超嫩滑, 完全沒有豬腥味道! 配上整片新鮮菠蘿解膩, 大愛啦!點了 “為之瘋狂菠蘿冰” 及 “黑牛”! 這也太讚了, 菠蘿冰不會太甜, 用上大量新鮮菠蘿, 超香甜! 經典黑牛不用多說了, 直接點便是!還提供一次性圍裙, 超貼心! 

係K11 搵野食見到Ricky Sir 大大個招牌間餐廳叫祥仔，甘應該係佢開用自己做生招牌應該質素唔差黎到梗係要食佢招牌菜同港式鐵板已經包埋餐湯同野飲🔹兩日兩夜羅宋湯餐湯可以+$3 升級依款湯夠足料湯料都好入味🔹南瓜忌廉湯依款係是日餐湯湯都幾creamy唔會好似水旺旺甘🔹澳洲西冷牛扒西冷好厚切所以可以因應自己想要熟度黎係塊鐵板上面煎淋上黑椒汁時"喳" 一聲就係港式鐵板精萃可以揀飯或者薯菜添我地鐘意無甘熟，入面會無甘韌🔹巨型吉列魚柳滑蛋飯配青咖喱汁魚柳好大塊！！外脆內軟，唔會太乾配青咖喱汁幾新穎但又幾夾滑蛋炒得唔錯🔹雪糕與紅豆仔之轉角相遇加$28 可以轉紅豆冰好多紅豆又夠粉面頭仲有雲尼拿雪糕🔹為之瘋狂菠蘿冰上面有三分一都係新鮮菠蘿夠哂甜，配埋下面菠蘿汁真係做得唔錯

去尖沙咀行街，行到攰見到大廚張錦祥嘅介紹，所以想試下✅鴛鴦叉燒煎蛋飯五花腩太多人揀好快就賣曬，轉咗叉燒配煎蛋，叉燒肥瘦均勻，唔食煎蛋仲可以轉太陽蛋/溫泉蛋🥚✅澳洲西冷牛扒· 黑椒汁西冷牛扒揀咗三成熟，牛味濃郁，仲有配料薯角同番茄🍅✅雪糕紅豆冰&雙檸檸檬茶🍋食西餐配紅豆冰，上面仲有雪糕🍦💛好味指數:4.4/5 💜回頭指數:4.2/5📍祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號鋪