吞POT 雞煲火鍋.住家菜 (Closed)

7月14日晚上同女朋友加上一個好朋友打算係限聚令開始之前食返一餐打邊爐,因為都知疫情關係應該都有排冇得再出黎食晚飯架喇,甘就係openrice 度搜尋一下有咩好介紹啦,甘因為要方便大家就簡左係太子呢間吞pot試一下啦,因為見到9點半後火鍋配料同小食半價,點知試完就中左伏啦,一開始覺得個雞煲都唔錯既,之後就開始點配料啦,我地3個人叫左一碟2xx$既牛肉,脆肉鯇魚片,花膠,魚肚,仲有一碟係我地3個呢兩個地方生人食過「最難食」既海膽墨魚丸,講起呢個墨魚丸就厲害囉,本身見到粒丸黑蚊蚊已經唔開胃，點知有雞煲既湯去煮過都有一陣惡臭既味道,如果大家會喜歡惡臭既味道不妨可以體驗一下,除左呢個甘突出既墨魚丸之外其實其他野食都真係非常之一般,因為果日12點後限聚令開始我地都快快甘食完去,當埋單果陣要成10xx蚊真係覺得好唔值得去,因為如果人均3百幾既其實好多更好選擇,所以我同朋友都唔會再去下次😢