首先叫咗All Day Breakfast來試，第一眼覺得假如食物種類可以再豐富一啲就更好，因為沙律都幾大份，如果其他肉類、蕃茄、蘑菇可以更大就更滿足。同埋麵包及茄汁豆可以更熱就會更可口。值得一讚喺黑松露炒蛋，煮得好滑好香口！
友人叫咗杯Moccacino，味道濃烈，唔算太甜，亦有拉花。朋友滿意。
最後就是重頭戲 Signature-Tastic 蛋糕，有大、小兩個size之分，大為＄68，小為＄58，叫咗大兩分食。第一眼外觀同澳洲版本80%相似，澳洲版有更多層，但係反而香港版面頭嘅水果仲大粒啲！第一層有士多啤梨、提子、開心果同玫瑰花瓣，絕對美觀同有落足料。
底下幾層為玫瑰花cream同西瓜肉。食落覺得同澳洲嘅味道都接近有9成相似，水果同玫瑰嘅甜味都好出。唯一美中不足就是嫌蛋糕嗰兩層不夠厚身同鬆軟，完全食唔出蛋糕嘅質感！
整體來說店鋪環境舒適，食物質素同價錢可以接受。希望正式開業後會帶來更多嘅食物選擇。下一次再次光臨嘗試新嘅食品！:)
