Video
Read full review
2017-10-04
3803 views
為左食叉燒, 我決定放工都要搭車入黎試呢間bookmark左好耐既叉燒大王!!!! 為於河畔既餐廳聚集處, 雖然周圍都有唔少餐廳, 但叉燒大王個紅色大大招牌令佢一啲都唔難揾呢!!! 八點晚飯時間坐無虛席, 仲有唔少人聚集係門口等外賣, 如果我係到住我一定要晚晚黎斬料加餸呀!!!!! 好彩有卡位可以坐, 張枱好闊等我可以叫多D食物XDD 茶樹菇燉老雞湯本身想飲冬瓜盅, 但原來餐廳因應季節轉換已經換左燉湯, 每日原盅燉既湯, 一打開就見到有原隻雞, 雞脾肉同雞胸肉一撕就爛, 明顯係煲左好耐, 仲有起碼5-6舊豬骨連多肉, 完全滿足到我呢個食肉獸, 差唔多全部肉都被我清哂XDD 茶樹菇都份量幾足, 當然又係清哂啦比我~~不過真係好大盅, 2人分一定飲唔哂。 海蜇燻蹄鋪成花型既煄蹄幾有心思, 雖然幾易做到, 但燒味通常都好少可會擺心思係擺盤~~ 燻蹄份量好多, 起碼十幾片, 切得平均, 每片都好大片, 涷冰冰好易入口, 肉質同樣鬆軟, 脂肪較少, 至於海蜇相當入味, 除左爽口之餘拌以辣椒碎令惹味度增加。 叉燒(例牌)等到主角喇, 叫左例牌, 一碟份量十足,見到外邊微微黑邊配埋蜜汁, 影相時已流
八點晚飯時間坐無虛席, 仲有唔少人聚集係門口等外賣, 如果我係到住我一定要晚晚黎斬料加餸呀!!!!! 好彩有卡位可以坐, 張枱好闊等我可以叫多D食物XDD
茶樹菇燉老雞湯
本身想飲冬瓜盅, 但原來餐廳因應季節轉換已經換左燉湯, 每日原盅燉既湯, 一打開就見到有原隻雞, 雞脾肉同雞胸肉一撕就爛, 明顯係煲左好耐, 仲有起碼5-6舊豬骨連多肉, 完全滿足到我呢個食肉獸, 差唔多全部肉都被我清哂XDD
茶樹菇都份量幾足, 當然又係清哂啦比我~~不過真係好大盅, 2人分一定飲唔哂。
海蜇燻蹄
鋪成花型既煄蹄幾有心思, 雖然幾易做到, 但燒味通常都好少可會擺心思係擺盤~~ 燻蹄份量好多, 起碼十幾片, 切得平均, 每片都好大片,
涷冰冰好易入口, 肉質同樣鬆軟, 脂肪較少, 至於海蜇相當入味, 除左爽口之餘拌以辣椒碎令惹味度增加。
叉燒(例牌)
等到主角喇, 叫左例牌, 一碟份量十足,見到外邊微微黑邊配埋蜜汁, 影相時已流口水。
因為我中意食肉所以瘦叉岩我, 一咬就食得出肉質比平時鬆化得多, 香鬆軟腍,
雖然叫左瘦叉, 但都有脂肪相間在其中, 所以一啲都唔嚡, 蜜汁幾香甜, 配埋燶邊就岩, 不過無想像中咁邪惡, 如果想再濃味D可以叫多汁~~~ 雖然份量多但滋味令人吃不停呢。
金莎蝦膠蒸滑豆腐
蒸豆腐有幾款選擇, 蝦膠同豆腐幾相夾既組合, 因為蝦膠爽彈牙配以淋身嫩滑既豆腐, 口感相輔相成, 雖然係比較清淡既菜式, 但味道除左豉油提味外, 仲有咸蛋黃碎既咸味, 唔會過於淡口。
西蘭花炒帶子
好常見既小炒, 西蘭花同彩椒碎份量多, 帶子切成薄片無整粒食咁過癮, 不過新鮮爽甜, 而且炒得唔油。
呢到既上菜速度快, 小炒都唔會太油膩, 主角叉燒都令我收貨, 不枉我特登搭車黎食~~~
Post
