梨滿園韓國料理 (Closed)

係香港食炸雞真係好貴，成百幾蚊先得一碟，一碟仲要吾夠10舊。所以當知道梨滿園出左炸雞放題之後，當然要黎試下啦。炸雞總共有五種口味，我最鐘意嘅就係薑蔥味，因為佢最特别，幾開胃，同炸雞出奇地夾。甜辣味就以甜味為主，微辣，吾食辣嘅都可以試下。醬油味，好入味，有醬油香，鹹甜鹹甜，不過建議最後先食，因為味道真係好濃。蜜糖味，外面淋左蜜糖，甜甜地。芝士味，外面灑滿芝士粉，十分香脆。每次落完單都要等佢即刻炸先有得食，所以上菜果陣每舊雞都係熱辣辣，咬開會出煙果種。