Video
Read full review
2020-01-24
10000 views
第一次來試Five Guys, 熱情已經過了，所以完全唔使排隊， 非常輕鬆。快餐漢堡嚟講佢嘅價錢相當貴，而且全部單點， 非常食物質素對得住個價吧。我點左Bacon Cheese Burger, regular fries同朋友一起share。另外我要左杯Strawberry Banana Shake😋。係人都知道呢度其中一大特色就係有無限任食花生。如果你嚟到要排長龍，又或者等餐等到好餓， 就可以剝住花生等， 花生都幾酥脆， 不過要小心， 一不留神食飽左就食唔到等陣個大餐lu~在order漢堡包時， 可以自由選擇配料， 配種類都幾多， 有選擇困難症嘅就大件事了🤭。如果喜歡吃辣， 我個人極推薦墨西哥辣椒， 超好味的。漢堡包用兩層錫箔紙包得厚厚實實， 所以領餐時玩完一輪個包仲係熱辣辣， 包底係普通麵包， 但都算軟熟， 漢堡肉質幾軟熟，而且多汁， 唔錯嘅， 值得一讚係bacon好香脆。整體嚟講個burger好足料， 都算幾對得住呢價錢。薯條係我至愛， 呢度嘅用左花生油炸， 勁外脆內軟， 入口好鬆化好有薯仔味， 超級好吃👍。我地點左regular size，份量好多， 有點偏鹹， 沾著甜甜嘅茄醬
我點左Bacon Cheese Burger, regular fries同朋友一起share。另外我要左杯Strawberry Banana Shake😋。
係人都知道呢度其中一大特色就係有無限任食花生。如果你嚟到要排長龍，又或者等餐等到好餓， 就可以剝住花生等， 花生都幾酥脆， 不過要小心， 一不留神食飽左就食唔到等陣個大餐lu~
在order漢堡包時， 可以自由選擇配料， 配種類都幾多， 有選擇困難症嘅就大件事了🤭。如果喜歡吃辣， 我個人極推薦墨西哥辣椒， 超好味的。漢堡包用兩層錫箔紙包得厚厚實實， 所以領餐時玩完一輪個包仲係熱辣辣， 包底係普通麵包， 但都算軟熟， 漢堡肉質幾軟熟，而且多汁， 唔錯嘅， 值得一讚係bacon好香脆。整體嚟講個burger好足料， 都算幾對得住呢價錢。
薯條係我至愛， 呢度嘅用左花生油炸， 勁外脆內軟， 入口好鬆化好有薯仔味， 超級好吃👍。我地點左regular size，份量好多， 有點偏鹹， 沾著甜甜嘅茄醬吃就非常平衡，怕油膩的仲可以點醋吃。原本我地覺得會有剩，但結果食下食下就清哂。
平時好少飲奶昔，只係因為成日唔明點解外國人吃又飽又膩嘅漢堡包時總要配奶昔， 所以特登試下。不過原來甜香嘅奶昔中嘅果香有中和作用， 本應係飽肚野，但飲著竟然有開胃作用。
Post
