稻八日式火鍋炸物放題 (Closed)

係fb見到雜誌介紹，就即刻約齊5個fd去會一會呢間日式火鍋先，仲話可以自己炸野食，即管去試下出面有個自助沙津吧，食之前梗係食返個沙律先啦，估唔到啲材料都好新鮮，好好味行過炸爐邊就見到個專門放炸物食材既櫃，款式大大話話都有成10款8款，都多野揀我地叫左個298 澳洲M6和牛餐，一啲都唔孤寒，6個人就黎足6碟牛，啲牛好靚好鮮嫩，而且最抵讚既係佢地唔會掉包啲牛，我地食m6真係會每次都比返m6我地，唔會好似其他咁比次一級既牛仲有個海鮮任食，啲料都係好鮮，最鐘意既係個海蝦，大大隻啖啖肉，最後都再叫多幾碟海鮮服務同環境都唔錯，值得黎既一間日式火鍋店