蒲東小館 (Nathan Road) (Closed)

路過見有上海嘢食，又唔係貴，係套餐所以都諗住試。下午2點開始下午茶， 冇咗個小食但平十幾二十蚊。叫咗炸排骨擔擔麵同炸雞扒擔擔麵，追加一籠小籠包同埋兩件生煎包。嗌咗凍檸茶同埋熱奶茶。炸排骨係林嘅，炸雞扒雖然脆，但係雞肉同埋炸排骨嘅豬肉係畀梳打粉醃到好大浸梳打粉味。 食咗兩條肉放棄咗。擔擔麵啲麵唔冧ok。小籠包皮薄都ok但係裏面啲肉唔ok。生煎包超唔掂個底唔脆又唔熱。凍檸茶ok。奶茶簡直係地獄級完全係奶水一杯。我喺個如果唔太難食，正常味道都會食曬嘅人，都竟然可以淨低成杯奶茶冇飲，啲雞扒同排骨 淨低曬冇食。難得星期六出街食咗啲咁難食嘅嘢真係搞糊曬個星期六，唉。