Video
Read full review
2004-07-11
15 views
有特別日子要慶祝，問老婆想食咩，佢話想鋸扒，咁炭燒牛扒全港只此一家，當然不會想其他地方，就幾日前訂位來了這裡，少不了的又特別叮囑其留定拿破崙餅一客，並寫上指定字句。訂了七點鐘，準時到來發覺人客也不少，都有至少七成客滿，其中洋人同本地人一半一半咁啦。前菜要了鴨胸青芒果沙律﹝$150﹞，老婆見沙律吧都幾有睇頭，所以就自助吃﹝連主菜$95﹞，主菜當然是和牛﹝12oz $620﹞及羊扒﹝16oz $420﹞，配菜加了忌廉菠菜﹝$160﹞。帶了黃油蟹宴剩下的智利紅酒來開，物盡其用嘛。呢度的餐包十年如一日，都係粗麥包及南瓜籽包，大大個熱辣辣，味道不差。但因今日食物份量不少，都係留番個肚好D。出去循一循個沙律吧，食物新鮮，種類不少，其陣容可與一般自助餐的沙律吧尤有過之，單是芝士都有八款，亦有巴馬火腿及燒菠蘿等，其中一味木瓜蝦沙律最正，是食完又食的；鴨胸青芒果沙律亦不錯，夠份量，鴨胸用蜜糖醃過再燒，配以甜甜帶微酸的芒果，幾掂。一早吩咐兩份扒都分兩份上，這裡亦可以一份扒兩個生熟情度，如我要牛扒medium rare羊扒medium，老婆果份就牛扒well done而羊扒medium well，同佢地講就
訂了七點鐘，準時到來發覺人客也不少，都有至少七成客滿，其中洋人同本地人一半一半咁啦。前菜要了鴨胸青芒果沙律﹝$150﹞，老婆見沙律吧都幾有睇頭，所以就自助吃﹝連主菜$95﹞，主菜當然是和牛﹝12oz $620﹞及羊扒﹝16oz $420﹞，配菜加了忌廉菠菜﹝$160﹞。帶了黃油蟹宴剩下的智利紅酒來開，物盡其用嘛。
呢度的餐包十年如一日，都係粗麥包及南瓜籽包，大大個熱辣辣，味道不差。但因今日食物份量不少，都係留番個肚好D。
出去循一循個沙律吧，食物新鮮，種類不少，其陣容可與一般自助餐的沙律吧尤有過之，單是芝士都有八款，亦有巴馬火腿及燒菠蘿等，其中一味木瓜蝦沙律最正，是食完又食的；鴨胸青芒果沙律亦不錯，夠份量，鴨胸用蜜糖醃過再燒，配以甜甜帶微酸的芒果，幾掂。
一早吩咐兩份扒都分兩份上，這裡亦可以一份扒兩個生熟情度，如我要牛扒medium rare羊扒medium，老婆果份就牛扒well done而羊扒medium well，同佢地講就得。上檯前兩份扒已分得靚靚，12安士的和牛及16安士凡羊扒份量十足。切開一看，火候偏熟了些少，如我的和牛便偏向medium，但問題不大。這裡的是澳洲和牛，雖是grade 10但始終不及安格斯和牛，入口當然鮮甜又肉汁豐富，那個僧融化的感覺是別的牛肉永遠沒法到達的境界；比起和牛，羊扒當然肉質是有所不及，但都好味，算好有水準。而那份炭燒的香味，別的扒房那個gas爐當然要行埋一二邊。雖然兩份扒加埋過千，但個人覺得物有所值的。因這裡的扒配菜極少﹝相比價錢來說﹞，只得幾小片燒茄子及小黃瓜，所以要再另外叫。忌廉菠菜做得幾滑又有菠菜的味道，個人認為加入些少蜜糖芥辣吊一吊味仲掂。
那支智利紅是大路的Los Vascos Reversa，雖然不及元祖的Lafite Roths Child，但飲落夠勁，同燒牛扒同羊扒都算匹配。
最後是那個拿破崙餅，扒房幫我在碟邊用朱古力醬寫了特別字句，好有心思，服務是值得一讚。但個拿破崙餅就極之普通，說真的比美心餅店的好不了多少，更遑論同頂級的Amigo相比！老婆最喜歡吃拿破崙餅，全港都吃了不少，好在賣相有心思，至挽回些少分數。建議還是叫其他甜品較好。
用獅子銀行的白金咭有八五折，埋單一千四百多，頂級價錢亦可吃到頂級食物，花得起的可以一試。
Post