炙・宴 (利東街) (Closed)

因為去附近配眼鏡，所以順路去利東街午飯，見《炙．宴》好似坐得幾舒服，未試過咪入嚟試吓囉，食物先唔講，服務算ok，侍應會不時加水，上菜收碟又快，服務我比4分。🥢特上鰻魚．照燒雞肉雙拼飯 $128⭐️因為媽咪鍾意食鰻魚，所以試下佢有幾特上，結果只係一般鰻魚，響日式超市買果啲都厚身同好味過佢，而照燒雞又乾又瘦又鞋，真係非凡廚藝先可以煮得出，利害！🥢月見豬腩肉丼 (拌生蛋黃) $98⭐️⭐️⭐️呢個我覺得ok，只係豬腩肉煎得乾咗少少，肉大概有6-7塊，煎得香口醬汁又惹味，重點係有日本蛋黃拌飯，足以令整個丼吸引度提升，不過差唔多$110個飯又唔多值。二人共消費：$249