四寶食堂 (兆安廣場)

Open Now

Now Closed

今日放假約埋朋友去銅鑼灣行街，lunch時間經過斐道兆安廣場，見到呢間四寶食堂好多人排隊，反正未食lunch，一於試下先!聖誕期間仲有特別lunch set，叫左兩個精選午餐試試。羅勒蕃茄和牛肉醬意大利粉配楓樹蜜糖燒雞脾肉醬味道濃郁帶羅勒香，酸酸甜甜好開胃，意大利粉爽口煙韌又彈牙，夠Al dente，蜜糖燒雞脾脆皮惹味，香甜嫩滑。65℃慢煮聖誕嫩雞胸伴金巴利汁意粉雞胸經慢煮後口感柔嫩多汁，金巴利汁酸甜惹味，配埋彈牙意粉，正。招牌沙嗲牛肉公仔麵配嫩滑炒蛋+奶油脆豬沙嗲汁濃厚，牛肉好嫩，麵條軟硬適中，炒蛋滑順綿密；奶油脆豬香脆鬆軟。飛魚子忌廉蟹肉焗大啡菇一上枱好吸晴，大大件好足料，厚身大啡菇鮮味多汁，鋪滿蟹肉，仲有大量飛魚子同忌廉醬。巴馬臣芝士水牛城雞翼4串原來有8隻雞翼，微辣水牛城風味十足，香辣酥脆勁惹味。熱奶茶濃郁茶香，入口幼滑。